AZ
RU
Müdafiə naziri istefa verdi
Feldmarşal Əbdülfəttah əl-Sisi Misirin müdafiə naziri və ordu komandanı vəzifəsindən istefa verib. Məlumata görə, qərarını martın 26-sı axşam saatlarında açıqlayan Əbdülfəttah əl-Sisi bunu prezident seçkisində iştirak etmək niyyəti ilə əsaslandırıb.
"xeberinfo.com": Feldmarşal televiziya ilə xalqa müraciətində Misiri terrorizmdən və qorxu hissindən azad edəcəyinə söz verib. Ancaq o əlavə edib ki, möcüzələr yaratmağa qadir deyil və ölkəni dəyişmək üçün hamı çalışmalıdır.
Müxalif “Müsəlman qardaşlar” hərəkatı feldmarşalın prezident seçkisinə qatılmaq qərarını pisləyib və bəyan edib ki, Əbdülfəttah əl-Sisinin hakimiyyəti heç zaman təhlükəsizlik, sabitlik gətirə bilməz.
Misir ordusu ötən il iyulun 3-də prezident Məhəmməd Mursini devirərək hakimiyyəti ələ alıb. Hazırda ölkəni müvəqqəti prezident Ədli Mənsur idarə edir. Prezident seçkisi aprelin sonunda keçiriləcək.
