AZ
RU
Putin “Türk axını“nı canlandırmaq istəyir
Türk-yunan sərhədində 47 milyard kub metrədək qazın toplanacağı mərkəzin yaradılması nəzərdə tutulur
"Xeberinfo.com": Rusiya prezidenti Vladimir Putinlə Yunanıstanın baş naziri Aleksis Tsipras Türkiyə və Yunanıstan ərazisindən keçməklə qaz nəqli üçün infrastrukturun inşa edilməsini müzakirə ediblər.İki rəsminin müzakirəsi telefon danışığı zamanı olub. Kremlin mətbuat xidməti də bu xəbəri təsdiqləyib.
"Telefon danışığı zamanı Aleksis Tsiprasın Rusiyaya rəsmi səfəri zamanı əldə edilən razılaşmanın həyata keçirilməsi üçün əməli addımlar müzakirə edilib. Xüsusilə, Türkiyə və Yunanıstan ərazisindən keçməklə qaz nəqli infrastrukturunun planlaşdırılan inşası əsas mövzu olub", - deyə Kremlin yaydığı məlumatda deyilir. Bundan başqa, hər iki rəsmi iyunun 18-20-də Peterburqda keçiriləcək iqtisadi forumda görüşmək haqqında sözləşiblər.
Qeyd edək ki, "Türk axını" 63 milyard kub metrlik qaz borusunun inşasını nəzərdə tutur. Boru Qara dənizdən keçməklə Rusiyadan Türkiyə istiqamətində olacaq və türk-yunan sərhədinə 47 milyard kub metrədək qaz nəql edəcək. Bu ərazidə qazın toplanacağı mərkəzin yaradılması da nəzərdə tutulur. Avropa İttifaqı ölkələri isə həmin qazın öz ərazilərinə çatdırılması üçün özləri qaz boruları inşa etməli və qazın idxalını təmin etməlidirlər.(ans press)
.jpg)
