AZ
RU
Rusiyanın İrana verəcəyi S-300 raketləri yaxın vaxtlarda göndərilməyəcək
"Xeberinfo.com": Musavat.com-un məlumatına görə, bu barədə Rusiya Xarici İşlər Nazirliyi məlumat verib. İranın müdafiə naziri Hüseyn Dehkan açıqlama verərək bildirmişdi ki, S-300 uzaq məsafəli havadan müdafiə sistemini almaq üçün müqavilə Moskvada imzalanacaq və raketlər bu ilin sonuna qədər Rusiyadan göndəriləcək.
Lakin Moskvadan gələn açıqlamada qeyd edilib ki, raketlərin yaxın müddətdə təhvil verilməsi mümkün deyil.
Qeyd edək ki, 2007-ci ildə Rusiya və İran S-300 satışında razılığa gəlmiş, ABŞ və İsrail isə buna sərt reaksiya vermişdi. 2010-cu ildə BMT Təhlükəsizlik Şurası İrana silah verilməsinə qadağa qoyduqdan sonra Rusiya müqaviləni birtərəfli şəkildə ləğv etmişdi.
(5).jpeg)
