AZ
RU
.jpg)
“İrana verilən S-300 sistemi müdafiə xarakterlidir”
S-300 raket sistemi xüsusiyyətlərinə görə müdafiə xarakterlidir. Ona görə də bu sistemlərin İrana ixracı İsrail və Yaxın Şərqdəki digər dövlətlər üçün təhlükə deyil.
"Xeberinfo.com": SalamNews-un RT-yə istinadla verdiyi xəbərə görə, bunu Rusiya prezidenti Vladimir Putin İsrailin baş naziri Binyamin Netanyahu ilə telefon danışığı zamanı bildirib.
Bildirək ki, Rusiya prezidenti aprelin 13-də S-300 raket sistemlərinin İrana verilməyi ilə bağlı qadağanın ləğvi barədə sərəncam imzalayıb ki, bu da B.Netanyahu və ABŞ dövlət katibi Con Kerrinin kəskin qınağına səbəb olub.
Rəsmi Tehran isə Rusiyanın bu qərarını alqışlayıb və bu addımın iki ölkə əlaqələrini daha da inkişaf etdirəcəyini bəyan edib.
İran Milli Təhlükəsizlik Şurasının baş katibi Əli Şəmxani Rusiya S-300-lərinin bu il ərzində veriləcəyini gözlədiklərini söyləyib.
