ABŞ donanması çətin ki, Rusiyaya dəniz blokadası tətbiq edə bilsin. Çünki rus gəmiləri ABŞ donanmasını məhv etmək gücünə malikdir.

Yenixeber.org: Bu sözləri hərbi ekspert Valentin Vasilesku deyib.

Ekspertin sözlərinə görə, hazırda ABŞ ordusu bu tapşırığı yerinə yetirmək iqtidarında deyil. Rusiya ordusu Yaxın Şərqdə möhkəmlənib, Suriyada aviasiya və dəniz bazaları yerləşdirilib, Aralıq dənizi məkanı mütəmadi şəkildə güclü hava hücumundan müdafiə silahları ilə qorunur, Qara dəniz donanması isə istənilən an Aralıq dənizinə yeridilə bilər.

“Rusiyanı blokadaya almaq üçün ABŞ-a təyyarədaşıyan və vertolyotdaşıyan gəmilərin operativ dəstəsi lazımdır. Ancaq Rusiyanın hərbi vasitələri elə yerləşdirilib ki, ABŞ öz təyyarədaşıyan gəmiləri və onlardan cəmi 720 kilometr məsafədə fəaliyyət göstərə bilən F-18 təyyarələrindən istifadə edə bilməyəcək. Belə olan halda ABŞ hərbçiləri öz təyyarələrindən yalnız Egey dənizində istifadə edə bilər, ancaq təyyarədaşıyan gəmilərini bu əraziyə gətirmələri çətin ki, mümkün olsun. Çünki Rusiyanın yeni döyüş texnikaları onları elə Cəbəllütariq boğazını keçən kimi batıracaq. ABŞ-ın bu silahların qarşısını almaq üçün demək olar ki, heç bir vasitəsi yoxdur”, - ekspert bildirib.