"Xeberinfo.com":  Mən  inanmıram  ki, bu  gün  hansısa  ölkə  vətəndaşı  Azərbaycan  səhiyyəsindən razılıq  etsin, həkimlərin   Hippokrat  andına  sədaqətindən  ürək  açıqlığı  ilə  danışsın. Bu  mümkün  də  deyil. Ona  görə  ki, bu  məmləkətdə  insanlar  işlərinin polisə  və  həkimə  düşməyindən  qorxduğu  kimi  heç  nədən  elə  qorxmur. Hər  iki  sahədə  o  qədər  haqsızlıq, insafsızlıq  və  qeyri- insani  münasibət  var  ki,adamlar  yönləri  ora  düşəndə  ölümü  gözünün  önünə  alır. Biri  vətandaşın cibinə  narkotik  maddə  qoyur, digəri  isə  alətlərini  əməliyyar  elədiyi  xəstənin bədənində  qoyur.

   Həkimlərin  qeyri- peşəkarlığındanmı, həkim  andını  unutduqlarındanmı  və  yaxud  rüşvətsiz  iş  görə  bilməməsindənmi  xəstələri  özlərindən  narazı  salır, müalicəni  düzgün  aparmayıb  onları  özlərinin  müştətisinə  çevirir. İnsan  həyatıyla  oynamaq, onları  həmişəlik  əlil  və  zəlil  eləmək  artıq  onların  həyat  amalına  çevrilib  ki, ən  azından  bunu  şərəfsizlik  və  ləyaqətsizlik  kimi  dəyərləndirmək  olar.

   N. Nərimanov  rayonu  H. Əliyev prospekti  80/1/4  ünvanında  yaşayan  Qoşqar Şükür  oğlu  Şəfiyevin  bir  gün  dişi  ağrıyır  və  o  8  saylı  poliklinkadakı  diş  həkiminə  müraciət  edir. Həkim  xəstəni  müainə  edir  və  əməliyyat  olunmasını məsləhət  görür.

   Bundan  sonra  Qoşqar  yaxşı  həkim  sorğusu  ilə  tanış- bilişə  müraciət  edir. Dostları  ona məsləhət  görürlər  ki, Bakı  şəhər baş  səhiyyə  idarəsinin  "Kliniki  Tibbi  Mərkəzi"-nin  üz-çənə  cərrahiyə  şöbəsində  Tural  Mirzəyev  adlı  həkim- cərrah  var,onun  yanına   getsin.  Dostlar  onu  da  əlavə    edirlər  ki, bacarıqlı  və  təcürbəli  cərahdır, hətta  Moskvada  işləyib. Dostlarının  xeyir- duası  ilə  Qoşqar  dayanmadan  tibbi  mərkəzə  üs  tutur. Xəstəxanada  Turalın  iş  yoldaşları  da  onu  xeyli  tərifləyirlər.Həkimin  yaxşı  olduğuna  tam  əmin  olan  Qoşqar   Tural  həkimlə  görüşür. Həkim  onu  müainə  edir  və  "Sol  tərəfli  odonmagen haymorit, oronmal fustula" diaqnozunu  qoyur. Əməliyyata  ehriyacın  olduğunu  bildirir. Qoşqar  uğurla  əməliyyat  olunur. Müalicəni  davam  etdirmək  şərtiylə  bir  neçə  gündən  sonra  evə  buraxılır. Əməliyyatdan  üç  ay  keçməmiş  xəsdənin  üz-gözü  şişir. Ağrılara  dözə  bilməyən  Qoşqar  həkimə  müracət  edir. Həkim  çıxış  yolunu  təkrar  əməliyyatda  görür. Əməliyyat  zamanı  tikişin  altından  bir  topa  tənzif  çıxır.

    Səhəti  yaxşılaşan  Qoşqarı  Tural  həkim  yenidən  dava- dərman  yazıb  evə  buraxır. Yenə  üç  ay  keçir. Qoşqarın  vəziyyəti  yenidən  ağırlaşır. Vəziyyətin  gərgin  olduğunu  görən  həkim  təmkinini  pozmadan: atalar  üçdən deyib.İnşallah bu  dəfə  son olar,-deyərək  üçüncü  dəfə  bıçağa  əl atır. Və  bu  dəfə  də  tikişin  altına  bir  topa  tənzif  qoyub  xəstəni  evə   yola  salır.

   Üç  aydan  sonra  xəstənin  üz-gözü  yenidən  şişir. Bu dəfə  Qoşqar  başqa  bir  ünvana- N.Nərimanov  rayonu, Ə. Rəcəbli  19 k  ünvanda  yerləşən  özəl "Lor hospital"a   üz  tutur. Dördüncü  dəfə  burda  əməliyyat  olunur. Bu  dəfə  bir  topa  tənzifi  xəstənin əməliyyat  olunan  yerindən Tural  həkim  yox, başqa bir  həkim  çıxarır. Şükürlər  olsun  ki, zavallı  Qoşqarın  üzərində  aparılan  dördüncü  əməliyyat  sonuncu  olur.Hazırda  xəstənin  vəziyyəti  yaxşıdır, heç  bir  narazılığı  yoxdur.

   Yazının  sonunda  dəyərli  oxuculara  onu  da  demək  istəyirəm ki, Qoşqar  dövlət  müəssiəsində tibb  bacıları  istisna  olmaqla,  heç  kimə  pul  verməyib.Amma hospitalda  əməliyyat  ona  min  manata  başa  gəlib. Burdan  da  belə  nəticəyə gəlmək  olar  ki, pulun  yoxsa  sən  əzablara  və  ölümə  məhkumsan. Məhkumluğumuz  mübarək!

       Məhərrəm Şəmkirli