AZ
RU
"Tramp-Putin görüşündən ciddi nəticə gözləyirik" –Sergey Lavrov
ABŞ lideri Donald Trampla rusiyalı həmkarı Vladimir Putin arasında baş tutacaq görüş konkret nəticələrin əldə edilməsi üçün vacibdir.
Yenixeber.org: Bu sözləri Rusiya Xarici İşlər naziri Sergey Lavrov “Mir” televiziyasına açıqlamasında deyib.
“Sözügedən görüş hər hansı xarici təsirlərin, yaxud sensasiyanın yaradılması üçün keçirilmir. Liderlər sadəcə salamlaşmaq, yaxud ikili əlaqələr barədə nə düşündüklərini danışmaq üçün görüşmür. Bu görüş konkret nəticələrin əldə edilməsi üçündür. Təbii ki, Rusiya və ABŞ kimi beynəlxalq arenaya təsiri olan ölkə liderlərinin görüşündən hər kəs nəticə gözləyər. Ona görə də ciddi şəkildə hazırlıq işləri ilə məşğuluq”, – XİN rəhbəri bildirib.
Qeyd edək ki, bir neçə gün əvvəl Putinlə Tramp 30 dəqiqəlik telefon danışığı aparıb. Prezidentlər Suriyada terrorizmə qarşı mübarizənin koordinasiyası, Şimali Koreyadakı vəziyyət, həmçinin Hamburqda iyul ayında keçiriləcək G20 sammitində görüşmək imkanlarını müzakirə ediblər.
