Rusiya və ABŞ Suriyanın cənubunda təhlükəsizlik zonası yaradılarkən İsrailin maraqlarının nəzərə alınması üçün hər şeyi edib.

Yenixeber.org-un RİA “Novosti”yə istinadla verdiyi xəbərə görə, bu barədə Rusiya xarici işlər naziri Sergey Lavrov bildirib.

Bundan əvvəl “Haaretz” qəzetinin internet-saytı baş naziri Binyamin Netanyahuya istinadla İsrailin Suriyanın cənubunda atəşkəs barədə ABŞ və Rusiya tərəfindən əldə edilən sazişə qarşı çıxdığı barədə məlumat verib. Belə ki, o, bu ölkədə “İranın iştirakını əbədiləşdirir”.

“Binyamin Netanyahunun konkret olaraq nə dediyini bilmirəm, buna baxmayaraq, o cümlədən Rusiya-ABŞ-İordaniya görüşünün yekunları üzrə bu deeslakasiya zonasının yaradılması barədə elan etdiyimiz zaman məlumat vermişik, prezident də (Rusiya Vladimir Putin) bu barədə Hamburda (G20 sammitində) söyləyib. Biz maraqlı olan bütün tərəflərlə, o cümlədən İsraillə hazırlıq işləri aparmışıq. Odur ki, İsraildən olan həmkarlarımızın barəsində anlaşma olan məsələdən çox şəkildə məlumatlı olmaları fikrindən çıxış edirik. Zəmanət verə bilərəm ki, həm biz, həm də ABŞ tərəfi bu konstruksiya çərçivəsində İsrailin təhlükəsizlik maraqlarının tam şəkildə nəzərə alınması üçün hər şey etmişik”- deyə Lavrov söyləyib.