AZ
RU
Rusiyadakı erməni iş adamı “Taşir” şirkətlər qrupunun başçısı Samvel Karapetyan tibb işçilərinin peşə bayramı münasibətilə Ermənistanın Təcili Yardım Xidmətinin əməkdaşlarına 300 min ABŞ dolları hədiyyə edib.
Yenixeber.org: Ermənistan KİV-ləri xəbər verir ki, məlumatı “Taşir”in Mətbuat Xidməti yayıb. “Taşir” şirkəti Rusiyadakı Ermənistan vətəndaşlarının ölkəsinə qayıtması üçün birbaşa təyyarə reyslərinin maliyyə xərclərini də ödəyib.
Qeyd edək ki, iyunun 21-də Rusiyadan Ermənistana həkimlərdən ibarət ilk yardım reysi uçub.
Son günlər Rusiyadakı erməni iş adamlarının Ermənistanda baş verənlərə diqqəti artıb. İyunun 20-də Ermənistanın keçmiş prezidenti Robert Koçaryanın həbsdən azad edilməsi üçün 4 mln. ABŞ dollarından çox vəsaiti də onlar ödəyib. Həmin iş adamlarının arasında S.Karapetyanın da adı var. O, Azərbaycanın işğal altında olan Qarabağ bölgəsindəki ermənilərə də yardım edir.
