AZ
RU
MTRŞ əkizlərə görə “Xəzər” tv-yə xəbərdarlıq etdi
Milli Televiziya və Radio Şurası Xəzər televiziyasına xəbərdarlıq edəcək
"Xeberinfo.com": Məlumata görə, bu barədə AzVision.az–a MTRŞ-ın mətbuat xidmətinin rəhbəri Toğrul Məmmədov məlumat verib. O, bildirib ki, Konstitusiyanın tələbinə uyğun olaraq dövlət rəmzlərinə hörmətsizlik Cinayət Məcəlləsində cinayət məsuliyyəti kimi nəzərdə tutulub:
“Amma müğənnilərin etdikləri hərəkətlər dövlət valyutasına hörmətsizlikdir. Bu da onların milli dəyər problemini ortaya qoyur”.
MTRŞ sözçüsü onu da bildirdi ki, məsələ ilə bağlı rəsmi şəkildə Xəzər televiziyasına irad tutulacaq:
“Təbii ki, Milli Televiziya və Radio Şurası televiziyaya irad tutacaq. Milli dəyərində problem olan insanların, tamaşaçıda qıcıq yaradan şəxslərin efirə buraxılmasına baxılacaq ”-deyə Toğrul Məmmədov bildirib.
Qeyd edək ki, bu gün Xəzər televiziyasında yayımlanan “Hər şey daxil” verlişində dövlətimizi və millətimizi təhqir edən hərəkətə yol verilib. Belə ki, verliş başlar-başlamaz verilişin aparıcıları olan Sevil-Sevinc bacılarından biri kadr arxasından verilən Azərbaycan manatını alaraq digər əkizinə ötürüb. Digər bacı isə manatı musiqi sədaları altında cırıb.
.jpg)
