AZ
RU
.jpg)
İran BMT Təhlükəsizlik Şurasının iclasına buraxılmadı –Rəsmi Tehrandan etiraz
İran BMT Təhlükəsizlik Şurasının ABŞ-ən dronunun vurulması ilə bağlı iclasına buraxılmayıb.
Yenixeber.org: Bunu Tehranın təşkilatdakı xüsusi nümayəndəsi Məcid Taxt-Rəvançı jurnalistlərə müsahibəsində bildirib.
Xüsusi nümayəndə deyib ki, hava məkanı iki dəfə ABŞ dronları tərəfindən pozulan İran Təhlükəsizlik Şurasının iclasında iştirak etmək istəyib: “Təəssüf ki, biz bu hüququmuzdan istifadə edə bilmədik”.
O əlavə edib ki, BMT Təhlükəsizlik Şurasının daimi üzvü olan ABŞ İran nümayəndəsinin buraxılmadığı bu iclasda insidenti birtərəfli qaydada təqdim edib və rəsmi Tehranın mövqeyi nəzərə alınmayıb.
Taxt-Rəvançı Vaşinqtonu iclasda İran əleyhinə təbliğat aparmaqda günahlandırıb. Onun sözlərinə görə, ABŞ dronu iki dəfə xəbərdarlıq edildikdən sonra vurulub.
.jpg)
