Bütöv Azərbaycan Ocaqları Həmrəyliyi Günü və Yeni təqvim ili münasibəti ilə Dünya Azərbaycanlılarının təbrik etmişdir.

"Xeberinfo.com":  Təbrikdə deyilir:

“Əziz həmvətənlər

Sizləri Dünya Azərbaycanlılarının Həmrəyliyi Günü və Yeni təqvim ili münasibəti ilə səmimi qəlbdən təbrik edir, xalqımıza rifah, firavanlıq, əmin-amanlıq arzulayırıq.

25 il bundan əvvəl, 1989-cu il dekabrın sonlarında Naxçıvanda İranla sərhədlərin sökülməsi böyük bir ruhun, idealına doğru yürüyən xalqın xəyali  düşüncələrini gerçəkləşdirmək arzusunun ən yüksək məqamıydı. Bu bütövləşmiş, böyük ruhun qarşısında dünyanın heç bir gücü davam gətirə bilməzdi. Azərbaycanı müstəqilliyinə qovuşduran da bu böyük birliyin, bir ideal uğrunda yumruq kimi birləşməyimizin bəhrəsidir.

Vətənimizin kiçik bir hissəsində müstəqilliyimizi bərpa etdik. Böyük bir hissəmiz olan Güney Azərbaycanda bu gün də milli dövlətimizin qurulması və Azərbaycanımızın bütövləşməsi uğrunda mübarizə gedir. Fars şovinizmi nə qədər amansız olsa da gün-gündən bu hərəkatın qarşısında aciz duruma düşür. Çünki bu millətin ruhunu qırmaq, onu müti etmək mümkün deyil. Ruhu bir olan millətin özü də, dövləti də bir olacaqdır.

Biz, sabahkı günlüyümüzdə Azərbaycanın Bütövlüyünü qırmızı rəngdə görürük. Və bu şərəfli yolu gedərək sonda qalib gələcək hər kəsi əvvəlcədən təbrik edirik.

Bayramınız mübarək. 

Hörmətlə
BAO Mətbuat xidməti