AZ
RU
Səfirliydən Xədicə İsmayıl bəyanatı
Fransanın Xarici işlər və İnkişaf Nazirliyi jurnalist Xədicə İsmayılın həbsi ilə bağlı bəyanat yayıb.
"Xeberinfo.com": Fransa səfirliyinin mətbuat xidmətinin bəyanatına görə, Fransa araşdırmaçı jurnalist Xədicə İsmayılovanın 5 dekabr tarixində Bakıda «intihara sövq» ilə əlaqədar həbsindən narahatlığını bildirir. Eyni zamanda, Fransa Respublikası Prezidentinin Azərbaycana may ayında səfəri zamanı Xədicə İsmayılova ilə görüşü xatırladılıb və qeyd edilib ki, Fransa Azərbaycanın hökümət orqanlarını Avropada Təhlükəsizlik və Əməkdaşlıq Təşkilatının və Avropa Şurasının qarşısında götürdüyü öhdəliklərə riayət etməyə, o cümlədən mətbuat azadlığına, ədliyyə sisteminin müstəqilliyinə, müdafiə hüquqlarına və təqsirsizlik prezumpsiyasına riayəti təmin etməyə çağırıb.
Bəyanatda Fransanın İsmayılovanın situasiyasını diqqətlə izləməyə davam edəcəkləri vurğulanıb.
