AZ
RU
Milli Məclisin maşını “su qiymətinə” satışda
İyulun 31-də Əmlak Məsələləri Dövlət Komitəsi tərəfindən keçiriləcək hərracda bir sıra dövlət qurumlarına məxsus avtomobillər satışa çıxarılacaqYenixeber.org: Hərraca çıxarılan nəqliyyat vasitələri buraxılış tarixləri 2006, 2007-ci illər, markaları BMW, “Nissan” və “Fiat” olmaqla, vətəndaşlara təklif olunur.
Qeyd edək ki, 2006-cı il istehsalı olan “BMW 730” markalı avtomobil Azərbaycan Respublikasının Nazirlər Kabineti Aparatının İşlər İdarəsinin balansına aiddir. Avtomobilin hərracda start qiyməti 25200 manatdır.
Hərraca çıxarılan “Nissan Maxima” Azərbaycan Respublikası Milli Məclisinin İşlər İdarəsinin balansındadır. Bu avtomobilin hərracda start qiyməti 2350 manatdır.
Hərracda o cümlədən start qiyməti 3500 manat olan Daxili İşlər Nazirliyi Maddi-Texniki Təminat Baş İdarəsinə bilavasitə tabe olan Avtomobil Təsərrüfatına aid iki ədəd “FIAT Doblo” avtomobili də çıxarılıb.
Onu da bildirək ki, Nazirlər Kabineti Aparatının İşlər İdarəsinin balansında olan nəqliyyat vasitəsi 3-cü dəfə 10% endirimlə təkrar hərraca çıxarılır.
Milli Məclisi İşlər İdarəsinin nəqliyyat vasitəsi 5-ci dəfə 50% endirimlə təkrar hərraca təqdim edilib.
