AZ
RU
Naziriliyin 35 avtomobili satılır
Nəqliyyat, Rabitə və Yüksək Texnologiyalar Nazirliyinə tabeli təşkilat hərraca birdəfəyə 35 avtomobil çıxarıb
Yenixeber.org: Əmlak Məsələləri Dövlər Komitəsi nazirliyin 35 avtomobilinin satılması üçün 6 mart tarixində xüsusi hərrac keçirəcək.
Satışa çıxarılan avtomobillər Nəqliyyat, Rabitə və Yüksək Texnologiyalar Nazirliyinin Avtomobil Nəqliyyatı ilə Daşımaların Təşkili MMC-nin tabeli təşkilatı olan 3 nömrəli Bakı Avtonəqliyyat Müəssisəsi MMC-yə məxsusdur.
Hərraca ümumilikdə 10 ədəd 2008-ci ilin “Man Lion S Klassik A-74” markalı avtomobili, 25 ədəd isə 2008-2009-cu ilərin “Daevoo BC212MA” markalı avtomobili çıxarılıb.
“Man Lion S Klassik A-74” markalı avtomobillərin ilkin satış qiyməti 25.947 manat, “Daevoo BC212MA” markalı avtomobillərin isə 13.875 manatdır.
Qeyd edək ki, hərraca çıxarılan 35 avtomobil ikinci dəfədir ki, özəlləşdirməyə təqdim edilir. Bundan öncə təşkil edilən hərracda avtomobillərdən heç biri satılmayıb.
