AZ
RU
Hüquq müdafiəçisinin həbs müddəti 3 ay uzadıldı
Oktyabrın 23-də Nəsimi rayon Məhkəməsində hüquq müdafiəçisi Rəsul Cəfərovun istintaq müddətindəki həbsinin uzadılması ilə bağlı proses keçirilib.
"Xeberinfo.com": RATİ-nin hüquqşünası Günay İsmayılovanın AzadlıqRadiosuna bildirdiyinə görə, məhkəmə Rəsul Cəfərovun daha 3 ay həbsdə qalması ilə bağlı qərar çıxarıb.
Avqustun 8-də Rəsul Cəfərovun barəsində 3 aylıq həbs-qətimkan tədbiri seçilmişdi. Ona qarşı qanunsuz sahibkarlıq, vergidənyayınma və vəzifə səlahiyyətlərini aşma maddələri ilə ittiham irəli sürülüb. Hüquq müdafiəçisi ona qarşı ittihamları rədd edir, bunu özünün fəaliyyəti ilə əlaqələndirir.
