AZ
RU
ARDNŞ prezidenti istefaya göndərilir?
"Xeberinfo.com": Məlumata görə, ARDNŞ şefi Rövnəq Abdullayevin dəyişdirilməsi zamanı yetişib.
Məlumatı verən mənbə iddia edir ki, bir müddət əvvəl Fətullah Gülənə aid məktəbləri satın alan və sonradan şübhəli şəraitdə bu məktəblərin bağlanması qərarını verən Rövnəq Abdullayev hələ də «nurçu» ittihamından yayına bilməyib.
Artıq Rövnəq Abdullayevin yerinə təyin olunacaq kadrın kimliyi də məlumdur. Xəbərlərə görə, növbəti ARDNŞ şefi hazırda Vergilər nazirinin birinci müavini postunu tutan Natiq Əmirovdur. Mənbəyə görə, bu barədə qərar verilib.
Fazil Məmmədovun müavini Rövnəq Abdullayevin yerinə gətirilir
Qeyd edək ki, Natiq Əmirov 1967-ci ildə Dəvəçi rayonunda anadan olub.
1990-cı ildə N.A.Voznesenskiy adına Leninqrad Maliyyə-İqtisad İnstitutunu (iqtisadçı), 1998-ci ildə isə Elmi-Təhsil Mərkəzi Təfəkkür Universitetini (hüquqşünas) bitirmişdir.
1990-1991 – Sumqayıt şəhəri Maliyyə Şöbəsi, böyük büdcə iqtisadçısı
1991-1993 – Sumqayıt şəhəri Dövlət Vergi Müfəttişliyi, Vətəndaşların Vergiyə Cəlb Edilməsi Şöbəsi, böyük dövlət vergi müfəttişi
1993–1994 – Sumqayıt şəhəri Dövlət Vergi Müfəttişliyi, Dövlət Müəssisələrinin, Təşkilatların və Birliklərin Mənfəətinin (gəlirlərinin) Vergiyə Cəlb Edilməsi və sair Gəlirlər Şöbəsi, DVM
1994-1997 – Sumqayıt şəhəri Dövlət Vergi Müfəttişliyi, Qeyri-dövlət Müəssisələrində Vergi Qanunvericiliyinə və Dövlət Qiymət İntizamına Nəzarət Şöbəsinin rəisi
1997-2000 – Sumqayıt şəhəri Dövlət Vergi Müfəttişliyində rəis müavini
2000-2001 – Bakı şəhəri, Səbail rayonu Vergilər İdarəsinin rəis müavini
2001-2003 – Vergilər Nazirliyi iri Vergi Ödəyiciləri ilə İş Üzrə Departamentin rəis müavini
2003-2005 – Vergilər Nazirliyi İqtisadi Təhlil və Uçotun Təşkili İdarəsinin rəisi
Azərbaycan Respublikası Prezidentinin 16 avqust, 2005-ci il tarixli Sərəncamı ilə Vergilər nazirinin müavini vəzifəsinə təyin edilmişdir.
Azərbaycan Respublikası Prezidentinin 4 mart, 2009-cu il tarixli Sərəncamı ilə Vergilər nazirinin I müavini vəzifəsinə təyin edilmişdir.
Ailəlidir. 3 övladı var.
