Milli Şuranın fəxri sədri, kinodramaturq Rüstəm İbrahimbəyovun dəbdəbəli villası satılıb

Xeberinfo.com:  Politika.Az-ın əldə etdiyi məlumatda İbrahimbəyovun Şamaxıdakı malikanəsinə başqasının sahib çıxdığı bildirilir. MŞ ideyası müəllifinin villası 1 milyon manata satılıb. 
İmarətin kim tərəfindən alındığı açıqlanmasa da, müxalif yazıçının Azərbaycanda əmlaklarını saxlamaq istəmədiyi vurğulanır. 2013-cü il prezident seçkilərində ölkəyə gəlməyən İbrahimbəyov həbs olunacağını güman edirdi. 

Seçkilərdən sonra ssenarist siyasi fəallığını sıfıra endirdi və Milli Şura ilə əlaqələri kəsdi. Ondan sonra mülklərini satmağa başladı. 

Rüstəm İbrahimbəyov 5 fevral 1939-cu ildə Bakı şəhərində anadan doğulub. O, Azərbaycanda və bütün dünyada peşəkar ssenarist, dramaturq və rejissor kimi tanınır. 
Ssenarisini yazdığı Səhranın Bəyaz Günəşi (1970) filmi bir vaxtlar keçmiş SSRİdə ən çox baxılan filmlərdən olmuşdur. Bu filmdən sonra sonra o artıq kinematoqraflar arasında taninmağa başladı.

İbrahimbəyov həmçinin dünyanın 100 teatrında səhnələşdirilən 15 pyesin müəllifidir. Rüstəm İbrahimbəyov indi Filmmeykerlər İttifaqı Konfederasiyasının (FİK) sədri, Rusiya Filmmeykerlər İttifaqının katibi, Avropa Film Akademiyasının və Kinofilm Yaradıcılığı Akademiyası və Elmi təşkilatının üzvüdür. 

2013-cü il seçkilərində müxalifətin vahid namizədi olmuş İbrahimbəyov ikili vətəndaşlıq probleminə görə vətənə gəlməyib. Onun yerinə Cəmil Həsənli vahid namizəd olub.