AZ
RU
.jpg)
Ərdoğanın Azərbaycana qəfil səfərinin sirri
"xeberinfo.com": Gözlənilməz qərarın səbəbsiz olmadığı isə mütləqdir. Türkiyə daxilində siyasi qüvvələr arasında seçki öncəsi yaşanan gərginlik hökumət başçısını xarici siyasi məsələlərə aktiv müdaxiləsinə əngəl törədirdi. Ancaq seçkidəki mütləq qələbə baş nazirə ölkə daxilində baş verən çəkişmələr səbəbindən zəifləyən beynəlxalq nüfuzunu artırmağa, regional və geosiyasi vəziyyətə yenidən təsir etmək imkanı qazandırır.
Məlumata görə, politoloq Rasim Musabəyov deyib ki, Rusiyanın Ukraynadakı davranışından sonra təhlükəsizlik məsələlərinə yenidən baxılır və bu, gündəmdədir: “Azərbaycanın təhlükəsizliyi də Türkiyədən asılıdır. Ərdoğanın səfərinin əsas məqsədi də bu cağırışları yenidən nəzərdən keçirmək və Azərbaycan-Türkiyə hərbi müttəfiqliyini yenidən möhkəmləndirmək olacaq. Hər halda Azərbaycanın şimaldan gələ biləcək mümkün təhlükələrə qarşı əvvəlcədən hazır olması üçün Türkiyə ilə daha sıx hərbi əməkdaşlıq haqqında razılaşma imzalayacağını gözləmək olar. Çünki Türkiyə bölgədə NATO və ABŞ-ın yeganə müttəfiqidir. Başqa sözlə, bütün siyasət, məhz Türkiyəyə bağlıdır. Azərbaycanın starteji tərəfdaşı olması isə iki ölkə arasındakı tarixi münasibətləri daha da dərinləşməsinə təkan verir”.
Baş nazirin xarici işlər üzrə köməkçisi Mustafa Kabakçı da Ərdoğanın seçkidən dərhal sonra Azərbacana gəlməsinə münasibət bildirib: “Çünki “Biz bir millət, iki dövlətik”. Bunun net bir mesajı var. Bu mesajı alandan sonra da onlar birlikdə güclərini artırmaq yolunda mübarızə aparacaqlar. Görüşdə Dağlıq Qarabağ məsələsinin də müzakirə olunacağı gözlənilir”.
