AZ
RU
.jpg)
İki deputatın "fatihəsi oxundu"
Hakimiyyət dairələrindən hər iki deputata 2015-ci il seçkilərində iştirak etməməklə bağlı sərt xəbərdarlıq edildi
"xeberinfo.com":Qarşıdan gələn parlament seçkilərində Milli Məclisin komisiya sədri Rəbiyyət Aslanova və keçmiş baş nazir müavini, hazırda Rusiyada yaşayan Abbas Abbasovun oğlu Aydın Abbasova deputat mantadı verilməyəcək.
Hakimiyyətdəki mənbədən əldə etdiyimiz məlumata görə, artıq hər iki şəxsə 2015-ci il parlament seçkilərində iştirak etməmək barədə xəbərdarlıq edilib. Mənbə bildirir ki, "nurçu" qalmaqalı zamanı oğlu Elnur Aslanovun vəzifəsini itirməsi ilə hakimiyyətdəki mövqeləri xeyli dərəcədə sarsılan Rəbiyyət Aslanova ona edilən xəbərdarlıqla razılaşıb. Xanım millət vəkili 2015-ci il parlament seçkilərində namizədliyini irəli sürməyəcəyini bildirib. Mənbə qeyd edir ki, Rəbiyyət Aslanovaya həmçinin 2013-cü il prezident seçkilərində tutduğu susqun mövqeyə görə də, yumşaq formada desək, qınanıb. Xüsusulə də, 2013-cü il prezident seçkisi öncəsi Rusiyanın projesi olduğu bildirilən, şərti adı "Milyarderlər İttifaqı" adlanan quruma qarşı loyal münasibəti Rəbiyyət Aslanovaya keçilməyib.
Mənbə bildirir ki, baş nazirin keçmiş birinci müavini Abbas Abbasovun oğlu Aydın Abbasova da sərt xəbərdarlıq edilsə də, deputat üzərinə namizəd olub-olmayacağı haqda heç bir öhdəlik götürməyib. Aydın Abbasovun "vurulması" isə onun atasının prezident seçkisi öncəsi və bundan sonra tutduğu mövqe ilə bağlıdır. Mənbə bildirir ki, xüsusilə də Abbas Abbasovun bir neçə gün ölkə mətbuatında və saytlarda tirajlanan qalmaqallı müsahibəsi hakimiyyət daxilində əsəblə qarşılanıb. Abbas Abbasovun Putinin "canişini" rolunda çıxış etməsi və Azərbaycana qarşı 2013-cü ildən bəri hazırlanan projelərdə əsas fiqur kimi yer alması Aydın Abbasovla bağlı münasibətləri aydınlaşdırmağa səbəb olub.
Mənbə bildirir ki, Aydın Abbasov ona edilən xəbərdarlıq zamanı özünü və atasını müdafiə edərək, ailəlikcə prezident İlham Əliyevə sədaqətli olduqlarını desə də, bunun faydası olmayıb. Abbas Abbasovun Rusiyanın Azərbaycana qarşı hazırladığı planlarda əsas yer alması ilə bağlı deputatın qarşısına xeyli sayda fakt qoyulub. Ona bir daha qarşıdan gələn parlament seçkisində iştirak etməmək barədə qəti xəbərdarlıq edilib.
.jpg)
