Bu  gün səhərdən qəsəbə sakinləri qapısını açmayan “Ən ucuz market”in qarşısında toplanıb

Xeberinfo.com:  Dünəndən başlayan dollar ajiotajı çox keçmədi ki, qiymət artımında özünü göstədi. Rəsmilər nə qədər bunu inkar etməyə çalışsalar da olmadı. Ya süni yolla, ya da təbii olaraq, fərq etməz, fakt odur ki, bütün satış nöqtələrində qiymətlər kəskin olaraq qaldırılıb.

Bu gün səhərdən Abşeron rayonunun Ceyranbatan qəsəbəsində sakinlər qiymət artımına etiraz olaraq ən böyük satış məntəqəsi sayılan “Ən ucuz market”in qarşısına toplanıb. Xeberinfo.com-un hadisə yerində olan əməkdaşının verdiyi məlumata görə “Ən ucuz market” bu gün səhərdən qapılarını açmayıb. Səbəb kimi isə ərzaq məhsullarının qiymətindəki çaşqınlıq göstərilib. Bu isə kontingenti zatən kasıb olan qəsəbədə etiraza səbəb olub. Sakinlər əksər məhsulların ölkədə istehsal olunmasına baxmayaraq market rəhbərliyinin bu hərəkətini başa düşə bilmirlər. Baxmayaraq ki, əksər məhsullar marketə ötən günlərdə gətirilib və kifayət qədər də var...

Hələ ki, sakinlərlə market rəhbərliyinin danışıqları nəticəsiz qalmaqdadır.

Qismət