Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

Hesablama Palatası: Kür-Araz ovalığında şorlaşmış torpaqlar artıb

 

Hesablama Palatasının apardığı audit Kür-Araz ovalığında kollektor-drenaj sistemlərinin və suvarılan torpaqların vəziyyətində ciddi nöqsanları üzə çıxarıb.

"Yenixeber.org xəbər verir ki, bu barədə Palatanın 2025-ci ilin I rübünə dair “Dövlət auditi” bülletenində bildirilir.

Auditin nəticələrinə əsasən, son beş ildə bölgədə zəif, orta və güclü dərəcədə şorlaşmış torpaqların xüsusi çəkisi artaraq, 2024-cü ildə müvafiq olaraq 34,1 %-ə, 29,1 %-ə və 24,4 %-ə çatıb.

Kollektor-drenaj sistemlərinin bərpası əsasən yeni əkin sahələrinə yönəldilib. Lakin əvvəllər istifadə olunan, lakin şorlaşma səbəbindən dövriyyədən çıxmış torpaqlarda vəziyyətə lazımi müdaxilə olunmayıb.

Dren-kollektorların qeyri-effektiv istismarı, kollektor sularının təkrar istifadəsi və duzsuzlaşdırılmadan torpaqlara verilməsi, torpaqların yenidən şorlaşmasına səbəb olub. Eyni zamanda, çirkab suların kollektorlara axıdılması və oradan şirin su hövzələrinə yönləndirilməsi ciddi ekoloji və sanitariya riskləri yaradıb.

Audit həmçinin sahibsiz kollektorlar, qeyri-dəqiq uçot, normativ yanaşmaların olmaması, lil təmizləmə işlərinin plansız aparılması və mövcud istismar imkanlarından tam istifadə olunmaması kimi bir sıra sistemli nöqsanları da qeyd edir.

“Sabirabad və Salyan rayonlarında qış otlaqlarında suvarma və drenaj obyektlərinin tikintisi” layihəsi çərçivəsində ayrılmış 27,8 milyon manatlıq vəsaitin yalnız bir hissəsi üzrə effektiv nəticələr əldə olunub. Eyni zamanda, Kür çayının səviyyəsinin aşağı düşməsi səbəbindən nasos stansiyasının dayanıqlı fəaliyyəti təmin edilməyib.

Hesabatda strateji yanaşmanın olmaması, fəaliyyətin resurslara uyğun planlaşdırılmaması, inzibati nəzarətin zəifliyi və nəticə etibarilə dövlət vəsaitlərinin səmərəsiz xərclənməsi xüsusi vurğulanır.


Facebook-da paylaş

Yeni xəbərlər

Reklam

Reklam