AZ
RU
6 cəsəd tapılıb - Rəsmi açıqlama
"Azneft" Istehsalat Birliyində "Günəşli" yatağının 10-cu özülünün platformasında qəza ilə bağlı növbəti mətbuat konfransı keçiriləcək.
Xeberinfo.com: Məlumata görə, IB-nin baş mühəndisi Balamirzə Ağarəhimov bildirib ki, hələ də itkin düşənlərin axtarışları davam etdirilir: "Saat 16-ya olan məlumata görə qazmaçı Tağıyev Fuad Tahir oğlu və xilasedici Mahmudov Ağa Izzət oğlu tapılıb. Bundan başqa 4 cəsəd tapılıb.
Onların şəxsiyyəti müəyyənləşdirilir.
Axtarışlar davam edir".
***
Hazırda 4 neftçinin cəsədi Sabunçu morquna aparılır. İki nəfərin nəşi isə Xətai morqundadır.
***
Artıq FHN-in rəsmi saytında bununla bağlı məlumat yer alıb. Bildirilir ki, FHN helikopterləri dənizdə 6 nəfərin cəsədini aşkar edib və həmin cəsədlər helikopterin göyərtəsinə qaldırılıb. Bunlardan Tağıyev Fuad Tahir oğlu və Mahmudov Ağa İzzət oğlunun cəsədləri sahilə çatdırılaraq aidiyyəti üzrə təhvil verilib. Digər 4 cəsəd isə yaxın zamanda sahilə çatdırılacaq.
