Bakıda mətbuat yayımı ilə məşğul olan bir qrup kiçik sahibkarların obyetkləri dağıdılıb. 

   "xeberinfo.com": Məlumata görə,Səbail rayonu ərazisində Bakı şəhər İcra Hakimiyyətinin xüsusi icazəsi əsasında şəhərin mərkəzində qəzet və jurnalların satışı ilə məşğul olurlar. Lakin Səbail rayon Polis İdarəsi əməkdaşları onların işinə mane olaraq, obyektlərini dağıdıblar.

    Sahibkar  bildiriblər ki, polis əllərində icazə sənədi olmalarına baxmayaraq, satışın qabağını alıb. O, problemlə bağlı aidiyyatlı orqanlara müraciət etdiklərini bildirdi. “Qəzet və jurnal satış məntəqələri bağlayıblar. Biz bununla əlaqədar bir çox dövlət müəssisələrinə, hüquq-mühafizə orqanlarına və Mətbuat Şurasına müraciət etdik. Lakin problemlə bağlı müraciət etdiyimiz salahiyyətli kəslər bizə heç bir yardım etmədi. İcra Hakimiyyətindən bildiriblər ki, biz icazə vermişik. Əlimizdə icazə kağızı da var. Amam polis buna əhəmiyyət vermir” - deyə şikayətçilərdən biri bildirib

     Məsələ ilə əlaqədar Bakı şəhər İcra Hakimiyyətinin Ticarət və Xidmət Departamentinin rəhbəri Əliabbas Bağırov açıqlamasında onlara da bu barədə şikayət daxil olduğunu bildirib. “Biz onlara icazə vermişik. Onların əksəriyyəti veteran, şəhid ailəsidir. Biz polislə də əlaqə saxlamışıq. Çalışırıq ki, problem həll olunsun. Bu işi diqqətdə saxlamışıq”, - deyə Əliabbas Bağırov vurğulayıb.