Şimali İrlandiyada narazı qrupların etiraz aksiyaları davam edir.

Yenixeber.org: Yerli KİV-lər bildirir ki, Belfast və Derri şəhərlərində, həmçinin Antrimdə bölgənin Birləşmiş Krallığın tərkibində qalmasını istəyən üsyançı qruplarla polis arasında yeni toqquşmalar baş verib.

Belfastda birlik tərəfdarları və respublikaçı icmaların yaşadığı məhəllədə üsyançılar tərəfindən avtobus yandırılıb.

Ötən gecə şiddətli toqquşmalar zamanı 19 polis əməkdaşı yaralanıb. Artıq bir neçə gündür davam edən toqquşmalarda ümumilikdə 74 polis əməkdaşı xəsarət alıb.

Qeyd edək ki, "Brexit" şərtlərinə görə Şimali İrlandiya ilə Birləşmiş Krallığın qalan hissəsi arasında tətbiq olunan ticarət əngəllərilə bağlı milətçi "Sinn Fein" partiyası ilə Demokratik Birlikçi Partiyası (DUP) arasında yaranan ziddiyyətlər son nəticədə iğtişaşlara gətirib çıxarıb. Şimali İrlandiyanın ədliyyə naziri Naomi Lonq, regionun hökuməti başçısı Maykl Martin, Böyük Britaniyanın baş naziri Boris Conson hadisələrdən narahatlıq ifadə edərək tərəfləri dialoqa dəvət ediblər.