Bu dəfə «perevod»la gələn tələbələr ayağa qalxdı, Müşfiq Atakişiyev martın 17-ni qeyri-dərs günü elan edib 

"Xeberinfo.com":  Məlumata görə, bu barədə JAM.AZ-a orada təhsil alan tələbələr məlumat veriblər. Onların bildirdiyinə görə, vəziyyətin qarışmasına səbəb «perevod»la universitetə gələnlərin artıq qanuni şəkildə diplom ala bilməyəcəklərindən əmin olmalarıdır. 

Məlumatda deyilir ki, «köçürmə» yolu ilə Təfəkkür Universitetinə gələn tələbələrə kimlərsə izahat verib ki, onların aldıqları diplomlar qanuni olmayacaq. Bunun səbəbi kimi isə indiyə qədər onlarla tələbənin aldığı diplomun Təhsil Nazirliyində qeydiyyatda olmaması göstərilib. Tələbələr də bununla bağlı izahat istəmək üçün universitet rəhbərliyinə müraciət etsələr də, onlara ya mücərrəd cavab verilib, ya da ümumiyyətlə, əhəmiyyət verilməyib. Bundan şübhələnən tələbələr də məcburiyyət qarşısında qalaraq, etiraz aksiyası keçirmək istəyiblər.

JAM.AZ xəbər verir ki, məsələdən xəbərdar olan rektor Müşfiq Atakişiyev isə önləyici tədbirlər görmək məqsədi ilə bəzi addımlar atmağa çalışır. Məsələn, onun üzləşdiyi Riyad Əliyev problemini həll etmək üçün ciddi cəhdlərə baş vurması nəticəsiz qalıb. Hətta Əliyevin martın 10-da Bakıda keçirəcəyi mətbuat konfransının yerini müəyyənləşdirmək üçün Atakişiyev mətbuatdakı adamlarını belə dövriyyəyə salıb. 

Bir başqa önləyici tədbir isə martın 17-ni qeyri-rəsmi olaraq dərs günündən çıxarılmasıdır. Belə ki, rektor həmin günün İlaxır Çərşənbə olduğunu əsas gətirərək, qeyri-dərs günü elan edib. 

Qarşı tərəfi də dinləməyə hazırıq.