AZ
RU
Sabiq icra başçısı “Lamiyə işi“nə qəzəblənib
Verilən xəbərə görə, sabiq başçı oğlunu öldürən Lamiyə Quliyevanın həbsdə doğması işində adının hallanmasına əsəbləşib.
"Xeberinfo.com": Məlumata görə, A.Aslanov ölkə gündəmini zəbt edən mövzuda onun adının çəkilməsinə qarşı çıxıb. Lamiyənin övladının olmasında təcavüz ehtimalının səslənməsi onu möhkəm narahat edib.
A.Aslanovun Lamiyədən qisas aldığı barədə yayılan xəbərlər sabiq məmur tərəfindən etirazla qarşılanıb. Mətbuata açıqlama verməyən Aslanov bu məsələnin onun üzərindən götürülməsini tələb edib. Hətta bəzi informasiya portallarına təzyiq etməyə başladığı bildirilir.
Lamiyənin həbsdə uşaq dünyaya gətirməsi ciddi skandala çevrilib. Uşağın necə və kimdən olması açıq sual olaraq qalır. Hüquq müdafiəçisi Elçin Behbudov baş prokuror Zakir Qaralova müraciətindən məsələnin araşdırılmasını xahiş edib.(tia.az)
