Prezidentdən devalvasiyadan əziyyət çəkən insanlara misilsiz dəstək

Yenixebr.org: Prezident İlham Əliyev Azərbaycanda fiziki şəxslərin problemli kreditlərinin həlli ilə bağlı əlavə tədbirlər haqqında fərman imzalayıb.

Həmin fərmanla tam şəkildə burada tanış ola bilərsiniz:

https://www.aznews.az/news/capital/213228.html

Bəs, bu fərman problemli kreditlərlə bağlı məsələni hansı şəkildə və necə çözür?

Deputat Aydın Hüseynov AzNews.az-a fərmanı sadə şəkildə belə izah edib:

“Bu fərmanda vətəndaşların qazancı böyükdür. Prezident devalvasiyadan əziyyət çəkən vətəndaşların lehinə üçün misilsiz bir qərar verib. Bunu belə izah edə bilərik ki, 2015-ci ilin fevralına qədər kredit götürən vətəndaşlar hər 100 ABŞ dolları üçün 25 manat pul ödəyəcəklər. 2015-ci ilin fevral ayından dekabr ayına qədər olan müddətdə kredit götürən vətəndaşlar isə hər 100 ABŞ dolları üçün 60 manat ödəyəcək.

Başqa sözlə, birinci devalivasiyaya qədər hər 100 ABŞ dollarının əvəzində 25 manat, ikinci devalivasiya müddətində isə hər 100 ABŞ dolları əvəzinə 60 manat ödəniləcək.

Digər detallar isə, yəni faiz dərəcələri isə müəyyənləşdirilir. Bugün problemli krediti olan vətəndaşları maraqlandıran odur ki, 10000 dolları krediti varsa, nə qədər ödəməlidir. Bunların hamısı bank tərəfində fərmandan irəli gələn şərtlər daxilində müəyyənləşəcək və vətəndaşlara bildiriləcək. Ümumi vəziyyət budur ki, dövlət, Prezident vətəndaşları dollar kreditləri ilə bağlı yaranmış problemdən azad etməklə, bütün dünyaya sosial inqilab nümunəsi göstərdi.