Əhli-Beyt (ə) bizə həyatın hər bir sahəsində yardım etdikləri kimi, tibb sahəsində də bizə bəzi tövsiyələr edirlər. Əgər onlara əməl etsək bədən və ruhi xəstəliklərimizi müalicə edə bilərik

Yenixeber.org: İmam Sadiq (ə) buyurur: "Biz Əhli-Beyt (ə) (xəstələnən zaman) ancaq xurmadan pəhriz edirik. Çünki Peyğəmbər (s) İmam Əli (ə) xəstə olan zaman onu xirma yeməkdən pəhriz edərdi".

 İmam Sadiq (ə) buyurur: "Soyuq su yeməyi mədədə həzm edir".

İmam Kazım (ə) buyurur: "Qaynanmış su hər şey üçün faydalıdır. Heç bir ziyanı yoxdur".

Həzrət Peyğəmbər (s) bir gün İmam Əlinin (ə) evinə gəlir və onu qızdırmalı görür və buyurur ki, innab yesin.

İmam Əli (ə) buyurur: "Hərarətin yanğısını bənövşə və soyuq su ilə yatızdırın".

İmam Sadiq (ə) buyurur: "Biz Əhli-Beyt (ə) qızdırmanı üstümüzə soyuq su səpməklə və alma yeməklə müalicə edirik". Həmçinin buyurur: "Alma yeyin ki, bədəninizin həratini söndürəsiniz, daxilinizi sərinləndirin". Həmçinin buyurur: "Qızdırmanı müalicə etmək üçün şəkəri döy və suda həll et. Səhər acqarına və günəş batarkən iç".

İmam Hadi (ə) buyurur: "Malyariya qızdırması üçün ən yaxşı şey odur ki, bal və zəfərandan hazırlanmış halvadan çox yesin. O günü ondan başqa heç nə yeməsin".

Həzrət Peyğəmbər (s) buyurur: "Nə zaman qan təzyiqiniz yüksək olsa, qan aldırın".