AZ
RU
Bakıda yaşıllıq belə məhv edilir– VİDEO + FOTO
Sabunçu rayonu, Bakıxanov qəsəbəsi ərazisində uzun müddətdir Heydər Əliyev Fondunun təşəbbüsü ilə hasara alınaraq qorunub saxlanılan 25 hektara yaxın ərazisi olan yaşıllıq məhv edilir
Yenixeber.org: Bu barədə bildirilir.
Qeyd olunur ki, özlərini Bakı Şəhər İcra Hakimiyyətinin Yaşıllaşdırma İdarəsinin Sabunçu rayon bölməsinin əməkdaşı kimi təqdim edən şəxslər yaşıllığı işlədikləri idarədə qaz olmadığı üçün kəsdiklərini, məqsədlərinin ağacları sobada yandırmaq olduğunu bildiriblər.
“Həmin ərazidə quru ağaclar da var, amma nədənsə işçilər yaşıl ağacları qıraraq idarəni isidirlər”.
Əlavə olaraq, bildirilir ki, həmin ərazidə Bakıxanov qəsəbəsindən Nizami rayon Neftçilər metrosu istiqamətə gedən yolun sağ tərəfində yerləşən qəssabxanalardan axıdılan kəsilmiş heyvanların qanı yaşıllığı məhv edir.
Qeyd edək ki, məsələ ilə bağlı Ekologiya və Təbii Sərvətlər Nazirliyinə sorğu göndərilib.
Mövzu ilə bağlı görüntüləri təqdim edirik:
