Ekologiya və Təbii Sərvətlər Nazirliyi Sabunçu rayonu, Bakıxanov qəsəbəsi ərazisində uzun müddətdir Heydər Əliyev Fondunun təşəbbüsü ilə hasara alınaraq qorunub saxlanılan 25 hektara yaxın ərazisi olan yaşıllıq məhv edilməsi məsələsini araşdırıb

Yenixeber.org: ETSN-nin mətbuat xidmətindən  bildirilib ki, araşdırma nəticəsində vəzifəli şəxs cəzalandırılıb.

Nazirlikdən bildiriblər ki, həmin ərazidə  Bakı Şəhər İcra Hakimiyyətinin Yaşıllaşdırma İdarəsinin Sabunçu rayon bölməsinin əməkdaşları inkişafdan qalmış ağacları kəsərək isinmək üçün istifadə etmək istəyiblər. Qeyd edilən ərazidə qanunsuz ağac kəsdiyinə görə Vəliyev Seyfəddin Qurban oğluna inzibati xətalar məcəlləsinin 275-ci maddəsinə uyğun protokol tərtib olunaraq cərimə tətbiq edilib.

Sabunçu rayonu Yaşıllaşdırma Təsərrüfatı İdarəsinin əməkdaşlarına bildirilib ki, inkişafdan qalmış, yaxud quru ağacların götürülməsi üçün nazirliyin ekspertiza idarəsinə müraciət edilməlidir.

ETSN Heydər Əliyev Fondunun təşəbbüsü ilə hasara alınaraq qorunub saxlanılan 25 hektara yaxın əraziyə çirkab suyun axıdılması ilə bağlı Sabunçu rayon Su-Kanal İdarəsinin müdiri barəsində protokol tərtib edilib. Belə ki, idarə müdiri Vəliyev Fərmail Kalam oğlu vəzifəli şəxs qismində cərimələnib.

Nazirlik yaxın zamanlarda əraziyə çirkab suyun axıdılmasının qarşısı alınması üçün Sabunçu Su-Kanal İdarəsinə icrası məcbur olan göstəriş verib. Artıq bununla bağlı müvafiq işlərə başlanılıb.