Tibbi fəaliyyət göstərmək üçün rəsmi icazəsi olmayan Gülbadə Abdullayeva yenidən qanunsuz işini davam etdirir
Yenixeber.org: Səhiyyə Nazirliyinin tibb işçilərinin vahid reyestrində adı olmayan və özünü “Dr Gülü” kimi təqdim edən Gülbadə Abdullayeva adlı xanım yenidən qanunsuz fəaliyyətini bərpa edib. Qanun.Tv xəbər verir ki, Gülbadə Abdullayeva Binəqədi rayon Abay Kunanbayev küçəsində gizli icarəyə ofis götürərək burada liposaksiyaəməliyyatıilə məşğuldur. Gülbadə Abdullayevanın qanunsuz fəaliyyətində şərikinin Fatima adlı bir xanım olduğu bildirilir.
Qeyd edək ki, Gülbadə Abdullayeva bir müddət öncə estetik əməliyyat zamanı xəstənin başının üstündə rəqsi ilə gündəmə gəlmişdi. Səhiyyə Nazirliyinin yaydığı məlumata görə Gülbadə Əliqismət qızı Abdullayevannın adı nazirliyin tibb işçilərinin vahid reyestrində yoxdur və onun tibbi fəaliyyət göstərmək səlahiyyəti mövcud deyil.
Tibbi fəaliyyət göstərmək səlahiyyəti olmamasına baxmayaraq, Gülbadə Abdullayeva qanunları heçə sayaraq, yenidən gizli şəkildə iş başındadır. Ümid edirik ki, aidiyyatı qurumlar və hüquq mühafizə orqanları tibbi fəaliyyət göstərmək səlahiyyəti olmadan estetik əməliyyatlar edən Gülbadə Abdullayeva ilə bağlı tədbir görəcəklər.
Araşdırmamız davam edir.(Qanun.tv)