Yenixeber.org: Bəs bu gözlənilən problemin tam da olmasa, qismən həllinə nail olmaq üçün sahənin rəhbərliyində görəvləndirilmiş vəzifəli şəxslərin dövlətə sədaqətinə nə dərəcədə güvənmək olar?
Bu günlərdə gundemxeber.az informasiya portalının redaksiyasına daxil olan məlumatların çoxsaylı oxucularımızın marağına səbəb olacağını nəzərə alıb araşdırmalara başladıq.
Öncə qeyd edək ki, haqqında söz açacağımız Dövlət Məşğulluq Agentliyinin İdarə Heyətinin sədri vəzifəsində çalışan Sadiq Cabir oğlu Əliyev 1984-cü ildə anadan olub.
2001-2005-ci illərdə Azərbaycan Dövlət İqtisad Universitetində maliyyə-kredit ixtisası üzrə bakalavr, 2005-2007-ci illərdə magistr dərəcəsi üzrə təhsil alıb. Məsələnin maraqlı halı ondan ibarətdir ki, Sadiq Əliyevin hansı və neçə mömrəli orta məktəbi bitirməsi haqda heç bir məlumat yoxdur.
Beləliklə, 2006-2019-cu illərdə İqtisadiyyat Nazirliyində müxtəlif vəzifələrdə, 2019-cu ildən Əmək və Əhalinin Sosial Müdafiəsi Nazirliyinin Strateji planlaşdırma və innovasiyalar şöbəsinin müdiri vəzifəsində çalışıb.
Azərbaycan Respublikası Prezidentinin Sərəncamı ilə “Dövlət qulluğunda fərqlənməyə görə” medalı ilə təltif edilib.
Xatırlatmağa dəyər ki, Sadiq Cabir oğlu Əliyev Fətullah Gülənə bağlı olan "Çağ Öğretim işletmeleri Mingeçevir özel türk Lisesi"ni 2001-ci ildə bitirib. Elə buna görə də Universitetdən öncə hansı orta məktəbi bitirməsi haqda heç bir yerdə məlumata rast gələ bilmədik. O, bu liseyin 5 illik şagirdi olub və 2001-ci ildə də qurtarıb. Hər kəs yaxşı bilirdi ki, bu təhsil ocağı FETÖ-çulara bağlı olub və Mingəçevir şəhərində lisey kimi fəaliyyət göstərib.
29 may 2024-cü ildən etibarən Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri vəzifəsində çalışır.
Apardığımız araşdırmalardan əldə etdiyimiz məlumatlardan aydın olur ki, bu adam rəhbərlik etdiyi Agentlikdə bacarıqlı kadrların işlərini itirmələrinə səbəbkar olur və böyük korrupsiya “çetesi” yaradır.
Gəlin Sadiq Əliyevin əməlləri ilə tanış olaq: Sadiq Əliyevin bacardığı ən gözəl fəaliyyət, işçilərin dediyinə görə, əvvəlki sədr Mustafa Abbasbəylinin qurub-yaratdıqlarını dağıtmaqdan ibarətdir. Onu da yada salaq ki, Mustafa Abbasbəyli hal-hazırda Mədəniyyət Nazirliyində Aparat rəhbəridir. Eyni uğurlarını çalışdığı sahədə davam etdirir. Sadiq Əliyev isə dağıdıcılıq, dövlətə və Prezidentə bağlı şəxsiyyətlərə qarşı şəxsi qərəzçiliklə məşğuldur. Bütün bu fəaliyyətlərini pərdələmək üçün Nəzarət Şurasının sədri Elşad Məmmədovun oğlunu işə almaqla, ona nəzarət edənlərin də nəzarətsizliyinə nail olub. Onu da bildirək ki, Bakı Regional Məşğulluq Xidmətinin sədri Habil Alıyevin əslən Elşad Məmmədovun həmyerlisi (Gədəbəyli) olması göstərir ki, yerliçilik də Sadiq Əliyevin idarəçiliyində xüsusi əhəmiyyət daşıyır. Bu barədə də, heç kimin fərqində olmadığı bəzi faktlara gələcək sayılarımızda toxunacağıq. Təsəvvür edin ki, dövlətin xidmət mexanizmlərini necə şəxsi mənafeyi uğrunda fəaliyyətə istiqamətləndirir. Bir tərəfdən uydurma səbəblərlə işçiləri işdən çıxarır, digər tərəfdən isə İctimai Şura sədrinin oğlunu işə götürməklə, baş verən haqsızlıqlara səs çıxarmamağın "tədbirini" həyata keçirir. Son zamanlarda məhkəməyə müraciət edənlərin sayı ona görə də artmaqda davam edir. Əmək və Əhalinin Sosial Müdafiəsi Nazirliyinin etdiyi xidmətlər olsa da, Sadiq Əliyevin ağılasığmaz və dövlət quruluşunu öz şəxsi istəkləri kontekstində idarə etməsi dövlət başçımızın da siyasətinə vurulan zərbədir. Bütün Dövlət Qurumlarının şəffaflaşdırılması prosesi getdiyi halda, Sadiq Əliyevin nəzarət mexanizmlərini susdurmaq üçün atdığı addım dövlətçilik ənənələrinə ziddir.
Görün, Sadiq Əliyev hansı metodla qurumların fəaliyyətini istismar edir?!... İşçilərini müxtəlif özəl və dövlət müəssisələrinə göndərir. Onlara təklif edirlər ki, siz işçilərinizin müqavilələrini yeniləyərkən göstərin ki, bu işçilər Məşğulluq Xidmətinin vasitəsilə işə alınıb. Nəticə etibarilə heç bir fəaliyyət göstərmədən, “hazırın naziri”, Məşğulluq Xidmətinin iş yerləri də bu şəkildə "artmış" olur. Bu barədə əlimizdəki materialları daha sonrakı saylarımızda dərc edəcəyik.
İşçiləri işə alarkən mövsümi iş adı altında müqavilə imzalatdırır, onları işdən çıxararkən isə “müqavilənin müddəti bitdi” deyilərək, özünə hüquqi zəmin yaratdığını düşünür. İllərlə Məşğulluq Agentliyinin işçiləri olan vətəndaşların bu şəkildə xəyalları alt-üst edilir. Azərbaycan Respublikası Prezidenti cənab İlham Əliyevin gənclərə göstərdiyi qayğıya və ailə qurmalarına əngəl yaradılır.
Əgər işlər mövsümidirsə, o zaman Sadiq Əliyevin sədr təyin edildiyi gündən günümüzədək neçə işçi çıxardığını və əvəzində neçə işçi aldığını da ayrıca diqqətinizə çatdıracağıq. Bizi maraqlandıran işin hüquqi və məntiqi tərəfidir. Əgər Vəli işdən çıxırsa, Əli də onun yerinə işə alınırsa, bu iş mövsümi iş ola bilməz. Mövsümi olmayan işə isə müddətli əmək müqaviləsi imzalatmaq həm qanuna meydan oxumaq, həm də məntiqsizlikdir.
Sadiq Əiliyev öz əsas və birbaşa vəzifələrini isə unudub – bütün vətəndaşlara əmək və məşğulluğu sərbəst seçmək hüququnun həyata keçirilməsində bərabər imkanların təmin edə bilmir, vətəndaşların qanun çərçivəsində həyata keçirilən əmək və sahibkarlıq təşəbbüsünü yetərincə müdafiə etmir, əmək fəaliyyətinin və məşğulluq növünün seçilməsində vətəndaşların öz iradəsini sərbəst ifadə etməsinə şərait yaratmır, işə düzəlməkdə çətinlik çəkən vətəndaşların məşğulluğunun təmin edilməsinə köməklik göstərən xüsusi tədbirləri görmür, məşğulluq sahəsində fəaliyyəti iqtisadi və sosial siyasətin digər istiqamətləri ilə əlaqələndirə bilmir, dövlətin məşğulluq siyasətinə dəstək verməyə həvəsli olan işəgötürənləri həvəsləndirmir və s.
Ardı var...

GundemXeber.Az

P.S. Aprel döyüşləri və 2-ci Qarabağ müharibəsi iştirakçısı olan şəxsin pozulmuş hüquqlarını bərpa etmək üçün Dövlət Məşğulluq Agentliyinin rəhbər heyətinə işdən qanunsuz və əsassız olaraq çıxarıldığına və işə qəbulla bağlı etdiyi çoxsaylı müraciətlərə baxmayaraq, uzun müddətdir öz həllini tapmaması məyusluq doğurur. Agentlikdə pozulmuş hüquqlarını bərpa edə bilməyən Qazimiz məcburiyyətdən ölkə başçısı cənab İlham Əliyevə müraciət edib.
Həmin müraciəti növbəti günlərdə çoxsaylı oxucularımızın diqqətinə çatdırmağa çalışacağıq.