Respublika Diaqnostika Mərkəzində əməliyyat olunan xəstənin yaxınlarından 1700 AZN qan pulu tələb edirlər.

Yenixeber.org: Ödəniş edilmədiyi üçün xəstəni evə aparmağa icazə vermirlər.

Bu barədə Feysbukda jurnalist Ürfan Məmmədli yazıb. O bildirib ki, xəstəxana ilə ailə arasında öncədən hər şey danışılıb və bu ödəniş barədə heç bir məlumat verilməyib:

“Bir tanışım bu yaxınlarda Respublika Diaqnostika Mərkəzində ürək əməliyyatı olub. Xəstəxana əməliyyatın xərclərinin icbari sığorta ilə tam ödənişinə razılaşmayıb, 50/50 razılaşıblar.

Əməliyyatdan əvvəl icbarinin ödənişindən savayı, 3500 AZN tələb olunub, xəstə ödəniş edib və əməliyyat olunub. Bu gün xəstəni çıxarmağa gələn yaxınlarından isə 1700 AZN qan pulu tələb edirlər. Halbuki öncədən hər şey danışılıb və bu ödəniş barədə heç bir məlumat verilməyib.

Hazırda xəstəni Respublika Diaqnostika Mərkəzindən buraxmırlar”.

Ü.Məmmədli bildirib ki, ölkənin bir neçə tanınmış kardioloqları bundan əvvəl icbari sığorta ilə əməliyyata razılaşmayıb.

Qarşı tərəfin cavab haqqını tanıyırıq.