AZ
RU
Meriyada kadr dəyişikliyi: Mübariz Hüseynov Abit Əliyevin yerinə gətirilir? -FOTOLAR
Yenixeber.org: Bu barədə əldə etdiyimiz məlumatda deyilir.
Mübariz Hüseynov
Məlumata görə uzun illərdir Sanitariya və Texniki Təmizlik İdarəsinin rəisi vəzifəsində çalışan Mübariz Hüseynovu Bakı Şəhər Əsaslı Tikiti və Təmir MMC-yə rəhbər gətirilməsinin təşəbbüskarı Bakı Şəhər Mənzil Kommunal Təsərrüfat Departamentinin sədri Rəfail Mehralıyevdir.
Rəfail Mehralıyev
Rəfail Mehralıyevlə Mübariz Hüseynovun eyni rayondan olduqları bildirilir. İyirmi ilə yaxındır bir yerdə çalışan R.Mehralıyevlə M.Hüseynovun qohumluq əlaqələrinin olduğu da məlumatda yer alır.
Abit Əliyev
Bakı Şəhər Əsaslı Tikiti və Təmir MMC-yə hazırda Şəhər İcra Hakimiyyətinin başçısı Eldar Əzizovun ən yaxın kadrlarından olan Abit Əliyev rəhbərlik edir. Abit Əliyevin MMC rəhbərliyindən uzaqlaşdırılmasına səbəb kimi isə onun işində yol verdiyi qüsurlardır. Belə ki, Bakı Şəhər Əsaslı Tikiti və Təmir MMC-nin ən böyük layihələrindən olan (təmirinə 58 milyon manat xərclənib) Nəbatat bağında ciddi yeyintilərin olduğu iddia edilir.
Qeyd edək ki, Bakı Şəhər Əsaslı Tikiti və Təmir MMC ötən həftə smetası 32 milyon manat olan daha bir tenderə yekun vurub. S.Tağızadə, A.Şaiq, N.Aşurbəyova küçələrinin əhatəsində salınacaq yeni parkın tikintisini meriyaya yaxın olan "VEST-LTD” QSC həyata keçirəcək.
Məsələ ilə bağlı Bakı şəhər İcra Hakimiyyətindən mövqe öyrənə bilmədik. (qlobal.az)
