“AzerGold” QSC 2023-cü ildə əsas idarəedici heyətə(sədr və sədr müavinləri) 2,2 milyon manat ödəniş edib. 

Yenixeber.org: Əldə etdiyimiz məlumata görə, bu 2022-ci ilə nisbətən 34% azdır. 

2022-ci ildə bu rəqəm 3,34 mln. manat təşkil edib. 

Ümumi ödənişlərin azalmasına səbəb “AzerGold”un rəhbərliyinə qısamüddətli ödənişlərin 2,46 milyon manatdan 2023-cü ildə 1,53 milyon manata kimi azalması olub. 

Bu dövrdə “Azergold” rəhbərliyinə ödənilən əmək haqları 258 min manat, sosial sığorta ödəmələri isə 413 min təşkil edib. 

Qeyd edək ki, “Azergold”un əsas idarəedici heyəti sədr Zaur İbrahimov və müavinləri - Xəyyam Fərzəliyev və İlqar Cəlilovdur. 

Başqa sözlə, ötən il dövlət şirkəti Zaur İbrahimov və müavinlərinə orta hesabla 733,6 min manat ödəniş edib. 2022-ci ildə bu rəqəm 1,11 mln. manat təşkil edib. İllik əmək haqları isə orta hesabla 86 min manat (2022-ci il üzrə 84 min manat) təşkil edib.(“Yenisabah”)