“Qarşıdan qondarma erməni soyqrımının 100 illiyi gəlir. Bunun xarici arenada Azərbaycan və Türkiyəyə təsiri ola bilər”.

"Xeberinfo.com":  Məlumata görə, bunu Milli Məclisin bu gün keçirilən iclasında çıxışı zamanı millət vəkili Fazil Mustafa bildirib.

F.Mustafa bu günlərdə Avropa Şurası Parlament Assambleyasının (AŞPA) iclasında iştirak etdiyini söyləyib: “Mən AŞPA-da bir tədbirdə iştirak etdim. Bir türk siyasətçisi erməni yalanını darmadağın etdi. Ancaq bizdə bunun işıqlandırılması aparılmadı. Çünki bu həm də Azərbaycana qarşıdır. Fransa prezidenti bəyan edib ki, saxta soyqrımın 100 illiyində İrəvana səfər edəcək. Xocalı soyqrımının 23 illiyi gəlir. Bəlkə soyqrıma həssas yanaşan Olland kimi liderləri dəvət edək, deyək ki, tarixdə deyil, reallıqda olan soyqrım hadisəsinə diqqət etsin”.

Spiker Oqtay Əsədov isə bildirib ki, mətbuatda işıqlandırma olmalıdır: “Bizdə bu istiqamətdə işləyirik, mövqeyimizi bildiririk. Roma Papası da İrəvana gedir. Mən əmin olmuşam ki, bu siyasi məsələdir”.