AZ
RU
İraqla İran 44 il öncəki sazişi bərpa etdi -Zərifin şərhi
Səddam Hüseyn müharibəsinin qalıqlarından daha biri ortadan qaldırılıb.
Yenixeber.org: İraq-İran müharibəsindən danışan İran Xarici İşlər naziri Cavad Zərif bildirib.
"İki ölkə liderləri (İraqda səfərdə olan Ruhaninin görüşü nəzərdə tutulur - red.) tarixi açıqlama yayıb. 1975-ci ildəki müqavilə həyata keçiriləcək və İraq ilə İran arasındakı çay sürətlə palçıqdan təmizlənəcək. Bu bəyanatla Səddamın dövründəki müharibənin qalıqlarından daha biri ortadan qalxdı", - Zərif qeyd edib.
Xatırladaq ki, keçmiş İraq prezidenti Səddam Hüseyn və İran şahı Məhəmməd Rza Pəhləvi arasında Əlcəzair prezidentinin vasitəçiliyi ilə 1975-ci ildə "Sərhəd və Yaxşı Qonşuluq" sazişi imzalanmışdı. Razılaşmaya əsasən, quru və çay sərhədləri müəyyən ediləcəkdi. Ancaq S.Hüseyn 1980-ci ildə həmin müqaviləni ləğv etmişdi.
