AZ
RU
Krım Rusiyaya birləşdirilsə nə baş verə bilər?
Krımın Rusiyaya birləşdiriləcəyi təqdirdə, Gürcüstana artıq sentyabrda NATO-ya üzvlük üzrə fəaliyyət planı təqdim edilə bilər.
"xeberinfo.com": Bu barədə “Kommersant” alyansın mənzil-qərargahında və ABŞ Dövlət Departamentindəki mənbələrə istinadən xəbər verir.
“Rusiyanın Ukraynaya dair addımları NATO-nun Şərqi Avropada daha qəti siyasət yürütməyinin zəruriliyi ətrafında diskussiyaları aktivləşdirdi”, deyə NATO-nun mənzil-qərargahında “Kommersant”a bildiriblər. ABŞ Dövlət Departamentində isə Tiflisin Alyansa inteqrasiya olmaq meylini dəstəkləyəcəklərini bildiriblər.
ABŞ Dövlət Departamentindəki mənbə həmçinin bildirib ki, “Moskva Krımın Rusiyaya birləşdirilməsini elan edəcəyi təqdirdə, NATO-ya üzvlük üzrə fəaliyyət planının Gürcüstana təqdim edilməsi məsələsi faktiki həll edilmiş hesab oluna bilər”. Mənbənin sözlərinə görə, buna yalnız Almaniya maneçilik törədə bilər, çünki bu ölkənin Xarici İşlər Nazirliyinə 2008-ci ildən Rusiyaya loyal münasibət bəsləyən Frank-Valter Ştaynmayer rəhbərlik edir.
.jpg)
