“O, hibrid müharibələr üzrə mütəxəssisdir”.
"Xeberinfo.com":  Məlumata görə, Rusiya Baltika ölkələri ilə NATO-nun belə hərəkətə qarşı hazırlığını yoxlamaq üçün hibrid müharibəyə başlaya bilər, alyansın keçmiş baş katibi Andres Foq Rasmussen The Telegraph qəzetinə verdiyi müsahibəsində bildirib.
Onun sözlərinə görə, Rusiya prezidenti Vladimir Putin öz ölkəsinə güclü dövlət statusunu qaytarmaq və Şərqi Avropada dominantlığını bərpa etmək istəyir, oxu.az Lenta.ru-ya istinadən xəbər verir.
“Onun NATO-nun 5-ci maddəsinin (alyans üzvlərinin kollektiv müdafiəsinə dair) işləməsini yoxlamaq üçün Baltika ölkələrinə intervensiya edəcəyi ehtimalı böyükdür”, – Rasmussen bəyan edib.
Onun sözlərinə görə, Putin bilməlidir ki, bu qırmızı xətti keçsə və NATO müttəfiqinə hücum etsə, Rusiya məğlub olacaq.
“Biz bunu dəqiq nəzərə almalıyıq. Amma o? hibrid müharibələr üzrə mütəxəssisdir”, – NATO-nun sabiq rəhbəri bildirib.
Rasmussenin sözlərinə görə, Kreml Estoniyada və ya Latviyada müharibə təxribatı yarada bilər, orada yetərincə rusdilli icma var. O qeyd edib ki, bu gizli intervensiya olacaq. NATO-nun sabiq başçısı əlavə edib ki, alyansın zəif üzvləri mümkün hadisənin mühümlüyünü Rusiya ilə iqtisadi əlaqələri itirməmək üçün və ya Kremlə olan simpatiyaları üzündən nəzərə almaya bilərlər. Rasmussenin sözlərinə görə Macarıstan və Yunanıstan belə ölkələrdəndir.