AZ
RU
Müsavatın namizədləri də seçkidən geri çəkiləcək
Müsavat Partiyası başqanının müavini Elman Fəttah parlament seçkilərində iştirakın dayandırılmasının təşkilatın deputatlığa namizədlərinə təsirindən danışıb.
"Xeberinfo.com": Məlumata görə, o, modern.az saytına deyib ki, Müsavat Divanın bu gün keçirilən növbədənkənar iclasında seçki qanunvericiliyində demokratik islahatların aparılmadığını, seçki komissiyalarının hakimiyyətin tam nəzarəti altında olduğunu, namizədlər arasında ayrı-seçkiliyə yol verildiyi xüsusi vurğulanıb:
“Bundan başqa, partiyanın namizədlərinin çoxunun qeydiyyatından əsassız imtina edilib. Bu və digər səbəbləri əsas gətirən Divan üzvləri müvafiq qərar qəbul ediblər və bu qərar bütövlükdə Müsavatın bütün üzvlərinə şamil olunur”.
Başqan müavini qeyd edib ki, Müsavat Partiyasının Divanı adından hakimiyyətdən parlament seçkilərinin təxirə salınaraq 4 ay sonraya təyin olunması tələb edilib.
.jpg)
