AZ
RU
“Polis işçiləri seçilərə təzyiq göstərir”
Müsavat başqanı Arif Hacılı partiya tərəfindən namizədliyi irəli sürülən üzvlərə qarşı təzyiq göstərilməsi ilə bağlı açıqlama yayıb.
"Xeberinfo.com": Məlumata görə, bu barədə sosial şəbəkədə yazan başqan bildirib ki, əksər seçki dairələrində icra hakimiyyəti və polis işçiləri əllərində seçici imzalarının surəti olan vərəqələrlə namizədlərimizə imza verən seçicilərə təzyiq göstərir, onları imzalarından imtina ərizələri yazmağa məcbur edir, əks halda müxtəlif problemlərinin olacaqları ilə hədələyirlər: “Hakimiyyət sonuncu müqavimət ocaqlarını da söndürmək, cəmiyyəti tamamilə məhv etmək qəsdindədir. Biz bu ağır şəraitdə də mübarizəni davam etdiririk. Davam etdirəcəyik. Bilirik ki, sonadək mübarizə aparanlar qalib gələcək”.
