AZ
RU
Rəsul Quliyevlə ADP sədri arasında qalmaqal
“Rəsul Quliyevin müxalifətçilik məntiqini başa düşməkdə çətinlik çəkirəm. Rəsul Quliyevin bu açıqlaması mənə məğlub olan insanın psixoloji durumunu xatırladır”.
"xeberinfo.com: Bu sözləri ADP sədri Sərdar Cəlaloğlu bildirib. ADP sədri daha sonra əlavə edib: “Rəsul Quliyev 5-10 il əvvəlki adam deyil.
Rəsul Quliyev xəyal qırıqlığına uğradığı üçün belə açıqlamalar verir. Deyir ki, məqsədi Isa Qəmbəri, Əli Kərimlini siyasi lider kimi proseslərdən uzaqlaşdırmaqdır. Prezidentliyə iddialı olan birisi bütün enerjisini müxalifət liderlərinə qarşı yönəltməz. Məntiqlə onun məqsədi hakimiyyətə gəlmək olmalıdır, hakimiyyətə gəlmək istəyənlərə maneə yaratmaq yox. O, depressiyadadır və psixoz durumdadır”.
Rəsul Quliyev isə açıqlamasında bildirib ki, onun yaddaşında Sərdar Cəlaloğlu adlı şəxsiyyət yoxdur: “Belə bir şəxsiyyəti yaddaşımdan silib atmışam. Ona görə sizin mənə göndərdiyiniz linki açmadım və orada nə yazıldığından xəbərsizəm”.
