AZ
RU
“Sülh danışıqlarına başlamaq üçün Azərbaycana ilkin şərt qoymuruq”
“Ermənistan sülh sazişinin bağlanması ilə bağlı danışıqlar prosesinə başlamaq üçün Azərbaycana ilkin şərt qoymur və Bakıdan da analoji mövqe gözləyir”.
Yenixeber.org: Bu sözləri Ermənistan parlamentində Xarici İşlər Nazirliyinin rəhbəri Ararat Mirzoyan deyib.
"Biz Azərbaycan tərəfdən və Minsk Qrupunun həmsədrlərindən gözləyirik ki, danışıqlar prosesində heç bir ilkin şərt olmayacaq. Bu o deməkdir ki, biz də ilkin şərt qoymayacağıq", - deyə, Mirzoyan bildirib.
XİN rəhbəri vurğulayıb ki, Ermənistan danışıqlar prosesi zamanı “xalqların öz müqəddəratını təyin etmək hüququnu” qoruyacaq.
Qeyd edək ki, bir müddət öncə Ermənistan XİN bəyan etmişdi ki, İrəvan yuxarıda qeyd olunan sazişin imzalanması ilə bağlı Bakı ilə danışıqların təşkili üçün ATƏT-in Minsk Qrupuna müraciət edib.
.jpg)
