“Geniş miqyasda keçirilən idman yarışları təkcə həmin dövr üçün əhəmiyyətli olmur. Belə layihələr uzun müddətə qoyulan investisiyadır”.

"Xeberinfo.com":  Məlumata görə, bunu Publika.az-a açıqlamasında millət vəkili Zahid Oruc I Avropa Oyunlarının iqtisadi səmərəsini şərhi zamanı deyib . O bildirib ki, oyunlara çəkilən xərcləruin 78 faizi infrastruktura yönəldilib. Bu da o deməkdir ki, stadion, qapalı salonlar növbəti illərdə də xalqa xidmət edəcək, beynəlxalq yarışlara ünvan olacaq. Gələcəkdə Avropa Oyunları, beynəlxalq çempionatları burda keçirmək mümkün olacaq”.

İqtisadçı bildirir ki, ikinci oyunlara gələnlərin ölkə iqtisadiyyatına verəcəkləri xeyirdir: ”Bir nəfər özü ilə bir neçə nəfəri də Azərbaycana  cəlb edəcək. Ümumiyyətlə dünyada ərazilər, məkanlar belə kəşf edilir, təbliğ olunduqca tərəfdarları genişləndirilir”.

Onun sözlərinə görə, ölkəyə gələnlər potensial investor kimi də çıxış edə biləcəklər: “Azərbaycanda iş görmək istəyənlər oyunlar nəticəsində qərarlarını qətiləşdirəcəklər. I Avropa Oyunları çox rentabelli layihədir. Xüsusilə xidmət sektoru-  qida sənayesi, restoranlar, hotellər  şəbəkələri fəaliyyətlərini genişləndirəcək, rentabelliklərini artıracaqlar”.