AZ
RU
AXCP Müsavatın təklifini qəbul etmədi
"xeberinfo.com": Azərbaycan Xalq Cəbhəsi Partiyası (AXCP) Rəyasət Heyətinin növbəti toplantısında Müsavat Partiyasının əməkdaşlıq sazişi haqqında təklifi də müzakirə olunub və qəbul edilməyib: “Hesab edirik ki, müttəfiqlik və əməkdaşlıq Milli Şura çərçivəsində davam etməlidir. Hazırda Milli şuradan kənarda hər hansı əməkdaşlığa ehtiyac duymuruq”.
Xatırladaq ki, Müsavat Partiyası Milli Şurada təmsil olunan partiya və hərəkatlara əməkdaşlıq müqaviləsi təklif edib. Amma KXCP, «Nida»Vətəndaş Hərəkatı, El Hərəkatı, Ziyalılar Forumu Müsavatın müttəfiqlik sazişindən imtina ediblər. Bütün təşkilatların mövqeyi eyni cür olub; onlar Milli Şura çərçivəsində əməkdaşlığı yetərli hesab ediblər.
Müsavat başqanının müavini Gülağa Aslanlı «Bizim Yol»a açıqlamasında müttəfiqlik təkliflindən imtina qərarlarını təşkilatların daxili işi hesab etdiyini deyib: «Bundan təəssüflənirik, amma onların qərarıdır, yəqin ki, bizim də cavabımız olacaq».
G.Aslanlı Müsavatın yanlış yolda olmadığını deyir: «Biz həmişə doğru qərarlar veririk, müttəfiqlik sazişlərinin alınmamasında Müsavat Partiyasını ittiham etmək gülüncdür. Partiya hər bir halda mövqeyini açıqlayacaq».
