AZ
RU
Qazax rayon sakinində odlu silah olması və onu satmaq üçün Ağstafa rayonuna aparması barədə polisə məlumat daxil olub
Yenixeber.org: DİN Mətbuat Xidmətinin Gəncə Regional qrupundan verilən məlumata görə dərhal Rayon Polis Şöbəsinin (RPŞ) əməkdaşları əməliyyat-axtarış tədbirlərinə başlayıb. Qısa zaman ərzində rayon sakini İlham Nəsibovun Ağstafa rayonu istiqamətində hərəkdə olduğu müəyyən olunuraq saxlanılıb. Vətəndaşa məxsus idman çantasına hal şahidlərinin iştirakı ilə baxış keçirilən zaman oradan 1 ədəd “AKC74Y” tipli avtomat, 22 ədəd 5.45 kalibrli patron və həmin avtomata aid bir ədəd sandıq aşkar edilib. Götürülmüş maddi sübutlar polis əməkdaşları tərəfindən ekspertizaya təqdim olunub.
Dindirilmə zamanı İlham Nəsibov odlu silahı meşədən tapdığını, Ağstafa rayonuna satmaq üçün apardığını qeyd edib.
Faktla bağlı Qazax RPŞ-də araşdırma aparılır.
