Sığorta şirkəti atı avtomobil tərəfindən vurulan vətəndaşdan 4015 manat istəyir(?)

“Xeberinfo.com”:  Redaksiyamıza Cəlilabad rayon Qarazəncir kənd sakini Xəlilov Məlik Novruz oğlunun müraciəti daxil olub. Müraciətində Məlik Xəlilov Beynəlxalq Sığorta Şirkəti tərəfindən qarşılaşdığı haqsızlıqdan bəhs edir. Sığorta şirkəti atı avtomobil tərəfindən vurulub, şıkəst edilən vətəndaşdan 4015 manat istəyir(?) Oxucular üçün maraqlı olacağını nəzərə alıb, müraciəti olduğu kimi dərc edirik.

“Yazıb bildirirəm ki, Beynəlxalq Sığorta Şirkəti adlı qondarma şirkət artıq məni bir dəfə məhkəməyə verərək cərimə etdirmişdir, amma yenə də yaxamdan əl çəkmir, yenidən məhkəməyə verərək 4 min manat pul almaq istəyir. Görünür, şirkətin rəhbərliyi kasıblamışdır, təcili pul lazımdır.

17 may 2015-ci il tarixdə Bakı-Astara trasında mənim atımı “Hunday Sonata” markalı, 90-CF-081 nömrəli avtomobil vurmuşdur. Həmin maşın mənim atımla birgə həmkəndlim Əzizağa adlı kişinin də atını vurmuşdur, nəticədə onun atı ölmüş, mənim atımın isə qıçı sınmışdır. İndi bu qondarma “Beynəlxalq Sığorta Şirkəti” adlanan təşkilat sürücüyə sığorta pulu ödəməli olduğu halda, həmin pulu mənim boynuma yükləyir. 

Sizə yazmağımda məqsədim odur ki, onların qruzladığı adam təkcə mən deyiləm, Azərbaycanda minlərlə adam bu şirkət tərəfindən mənim kimi tələyə salınmış, əsl reket üsulu ilə qruzlanmışdır. Məsələ bundadır ki, Beynəlxalq Sığorta Şirkəti adlı bu qondarma şirkət avtomobil alan vətəndaşları zor-xoş sığorta etdirir, amma maşın əziləndə həmin pulu sürücüyə ödəmdən boyun qaçırır, o pulu onun-bunun, mənim kimi biçarələrin boynuna yıxır. Beynəlxalq Sığorta Şirkəti adlı qondarma şirkət bu yolla milyonlarla manat pul qazanır, amma həmin puldan maşını əzilən vətəndaşlara bir qəpik də vermir. Xahiş edirəm araşdırasınız, onlara bu səlahiyyətləri kim verib və xalqı soymaq üçün bu cür gen-bol şəraiti kim yaradıb? Bu cür hallar dəfələrllə olub, hər dəfə bir bəhanə ilə sürücülərə kompensasiyanı ödəməkdən boyun qaçırırlar. Gah deyirlər qəza bilərəkdən olub, gah deyirlər qəsdən törədilib və ona görə kompensasiya vermirlər. Əvvəlcədən milyonlarla vətəndaşı aldadıb pullarını alan şirkət sonda hər hansısa bir qəza baş verəndə kompensasiya ödəməkdən boyun qaçırır. Sonda isə yenə də zərbə sürücüyə dəyir, şirkət isə müəyyən yollarla fəaliyyətini və insanları aldatmaqda davam edir.

Mən, eləcə də bu cür yəhudi sığorta şirkətlərinin və bank təşkilatlarının tələsinə salınmış sadə Azərbaycan xalqı bilmək istəyirik ki, ölkəmizdə bu cür mason oyunlarına nə vaxt son qoyulacaq? Sığorta özü mason oyunudur və ölkəmiz Avrasiya Birliyinə daxil olandan sonra bu cür qəsbkarlara cinayət işi açılacaq. Bu adamlara daha bilmirlər hansı fırıldaq üsulu ilə vətəndaşdan pul çıxarsınlar. Hər evin iki-üç krediti var, 8 milyonluq Azərbaycan xalqı yəhudi banklarının əsirinə çevrilib, gecə-gündüz işləyib banklara sələm ödəməklə məşğuldur, bir tərəfdən də bu cür sığorta şirkətləri imkan düşdükcə zəli kimi qanımızı içir. Gəlin baxın, mən uçuq daxmada yaşayıram, el sözü ilə desək,  bir həsirəm, bir Məmmədnəsir. Mənim kimi ac-yalavac insanların bu ölkədə heç yerdən qara qəpik də olsun qazancı yoxdur. Ailəm günlərlə yeməyə çörək tapmır, övladlarım cır-cındırın içində gəzir.

Xahiş edirəm ki, Beynəlxalq Sığorta Şirkəti hüquq-mühafizə orqanları, aidiyyatlı qurumlar tərəfindən yoxlanılsın, şirkət rəhbərliyi haqqında hüquqi çərçivədə ölçü götürülsün. Xalqı heç nədən çapıb talayırlar, əsəblərimiz gərilib. Mənim anamın 12 min dollar bank borcu var, bütün qohumlarımızla yığışıb bu borcu necə verəcəyimizi düşünürük, yəqin ki ata evimizi bank tezliklə əlimizdən alacaq. Bir tərəfdən də Sığorta şirkətləri zəli kimi Azərbaycan xalqının canına yapışıblar. Mən bu məsələ ilə bağlı dəfələrlə məktub yazmışam, niyə reaksiya verilmir? Əgər bu dəfə də məsələmə baxılmasa, yaxın qohumlarla və həmkəndlilərimlə seçkiləri boykot edəcəyəm.

Keçən dəfə “Beynəlxalq Siğorta Şirkəti”nin “İddialar Departamenti”nin direktoru Fərhad İzmayılov adlı birisi mənə məktub yazaraq bildirmişdi ki, əzilmiş “Hunday Sonata” maşınını sən düzəltdirməlisən. Həmin məktubun kopyasını, eləcə də indi yazılan məktubu da sizə göndərirəm. Gəlin görək bu “İddialar Departamenti” adlı qurum kimdir? Nə işinə baxır? Əslində bunlar hazır reket qurumlarıdır. Vətəndaşlara, məhkəmə sisteminə, o cümlədən Ədliyyə işçilərinə təzyiqlər edərək pulu aldırırlar, halbuki adi məntiqə əsasən belə o pulu maşını əzilən sürücüyə özləri verməliydilər. “İddialar Departamenti” də bankların “Problemli Məsələlər Üzrə Şöbələri” kimi reket təşkilatlarıdır, onların işi araşdırılmalı, hüquqi qiymət verilməli, haqlarında cinayət işi başladılmalıdır. Bu adamlar on minlərlə adamın evini, əmlakını əlindən alıblar, heç nəyin üstündə qruzlayıblar. 

İddialar Departamentinin direktoru Fərhad İzmayılov mənə yazdığı məktubu guya “Mövcud sığorta qanunvericiliyinə uyğun olaraq” əsaslandırırdı, guya bu adam qanunçudur, biz isə qanunlara tabe olmayan cinayətkarıq. Hər şeydən əvvəl mən Azərbaycan vətəndaşıyam. Camaat lox deyil. İndi də Beynəlxalq Sığorta Şirkəti İdarə Heyəti sədrinin müavini İlham Ağayev mənə cəfəngiyyat yazaraq maşını düzəltdirmək üçün 4015 manat pul istəyir. Onun mənə göndərdiyi məktubda deyilir: “Bu Məcəllənin 932.2 maddəsinə, (subroqasiya tələbi hüququna dair) istinadən sığortalının təqsirkar şəxsə zərərin əvəzini ödəmək tələbi hüququ (iddiası) əmlak sıortası üzrə sığorta ödənişini vermiş sığortaçıya subroqasiya qaydasında onun verdiyi sığorta ödənişi məbləğində keçir”. Xahiş edirəm ki, bunu mason dilindən öz doğma Azərbaycan dilinə tərcümə edin! Görəsən Beynəlxalq Sığörta Şirkəti İdarə Heyətinin sədr müavini İlham Ağayevin öz yazdığından özü nəsə başa düşürmü? Bu cür biabırçılıqlara nə vaxt son veriləcək, o günü gözləyirik. Artıq bunların əlindən cana bezmişik! 

Bu cür Beynəlxalq Sığorta Şirkətləri və bank təşkilatları Azərbaycan xalqına qoyun kimi baxırlar. Maşının atı vurmasına görə mən günahkar deyiləm. Keçən dəfə məhkəmədə də dedim, atım həyətdə bağlı olduğu zaman başqa bir at onun yanına gəlmiş, mənim atım da ona qoşularaq çölə getmiş, nəticədə atların yola çıxması nəticəsində qəza törənmişdir. Lakin mən atın öz ipi qıraraq həyətdən getdiyini dəfələrlə bildirsəm də, mənə məhəl qoyan olmadı, məhkəmə mənə 90 manat cərimə kəsdi.

Qəza olanda mənə xəbər çatdı, hadisə yerinə gəldim, savadsız olduğuma görə yol polislərinin hansı protokol tərtib etdiklərindən də xəbərim olmadı, amma onlar da mənə dedilər ki, səndə günah yoxdur, narahat olma, sənə heç bir zərər dəyməyəcək. Amma neçə vaxtdır ki, məni məhkəmələrdə süründürürlər. Tək mən deyiləm, minlərlə, on minlərlə adam bunlardan narazıdır, heç kimə sığorta pulu vermirlər, onu-bunu qruzlayırlar ki, get pulu ondan al, bizlik deyil. Belə ağçılıq olarmı? Əsəblərim tamam çəkilmişdir.

Maşının düzəldilməsinə lazım olan pulu mən, mənim kimi zavallılar yox, o qondarma “Beynəlxalq Sığorta Şirkəti özü ödəməlidir! Axı vətəndaş maşını alanda bu şirkətə külli-miqdarda sığorta pulu ödəyir. Gəlin görək “Beynəlxalq Sığorta Şirkəti” hansı maşını əzilənə birbaşa pul ödəyib? Xahiş edirəm ki, cinayət işi açılsın, “Beynəlxalq Sığorta Şirkəti” cəzalandırılsın, Azərbaycan vətəndaşlarından müxtəlif fırıldaqlara qopardıqları milyonlara pul geri qaytarılsın.

Bir daha qeyd etmək istəyirəm ki, mən atı sahibsiz açıq vəziyyətdə yola buraxmamışam. Həmin at həyətimdə bağlı vəziyyətdə qalmışdır. Mənə məxsus olan at həyətimdə bağlı olan zaman sahibini sonradan tanıdığım at mənə məxsus olan atın yanına gəlmiş, mənim atım da həmin ata qoşularaq bağlı olduğu ipi qırıb yola çıxmış, nəticədə yol nəqliyyat hadisəsi baş vermişdir. Burda mənim heç bir günahım yoxdur.

Ona görə də, Respublika prezidenti cənab İlham Əliyevə və Dövlət orqanlarına müraciət etməklə mənə köməklik etməyinizi, məndən tələb olunan 4015 manat zuyanın əsassız oğduğu üçün həmin məbləğin silinməsi barədə göstərişlər verməyinizi xahiş edirəm”.

Redaksiyadan: Qarşı tərəfi də dinləməyə hazırıq.