AZ
RU
“Altes plaza” tikinti şirkəti binalarında işləyən fəhlələrin nəzərinə çatdırıb ki, sakinlərə və ofis işçilərinə xidmət edən güzgülü liftlərdən istifadə etmək onlara qadağandır.
Yenixeber.org: Bu elanın şəkli sosial şəbəkələrdə paylaşılıb və ictimai qınaqla qarşılanıb. Feysbuk istifadəçiləri şirkətin fəhlələri təhqir etdiyini bildiriblər.
Bəziləri bunun sərnişin və yük liftləri ilə əlaqəli olduğunu izah etməyə çalışıb. Fəhlələr sərnişin liftinə daxil olanda əllərindəki tikinti materialı ilə güzgüləri zədələyirlər.
Amma sosial şəbəkə istifadəçiləri arasında bununla razılaşmayanlar olub. Onlar rəy bildiriblər ki, fəhlələr tikinti materialları ilə onsuz da sərnişin liftinə daxil ola bilmirlər.
Çünki həmin liftlər darısqal olur və geniş olan yük liftindən istifadə edilir. Feysbuk istifadəçiləri sadəcə, şirkətin fəhlələri saymadığı, aşağıladığı qənaətinə gəliblər.(AzEuroNews.com)
