-Adin nədi?

– Məhəmməd.

-Sözümüz sözdür?

-Əlbət.

Yenixeber.org: “Ulduz” filmindən bu dialoqun keçdiyi səhnəni xatırlamayan yoxdur yəqin ki. Bəli, bu gün Məhəmmədin, yəni Lütfəli Abdullayevin anım günüdür. Adı səsləndiyi zaman üzlərdə təbəssüm oyada bilən aktyor artıq 44 ildir ki, səhnələr- sənəti ilə vidalaşıb. Bu vidanın ən çox zərər görən tərəfi isə sözsüz ki, teatr səhnələri, tamaşalardır.

Lütfəli Abdullayevin tam fərqli bir dəsti xətti var idi. Səhnəyə bir başqa cür yaraşırdı. Səhnə işığı, aktyorluq bacarığı qəlbdən gələn hiss idi. Onun yolunu gedə biləcək yeni nəsilin hələ uzun müddət müasir aktyorlar arasından çıxması mümkünsüzdür.

Azərbaycan mədəniyyəti “Məhəmməd”ini 1973-cü ildə itirdi. Sənətkar 1914-cü il, 12 mart tarixində, Şəkinin Nuxa kəndində dünyaya göz açmışdı. Dövlət Konservatoriyasına 14 yaşında daxil olması əslində istedadından xəbər verirdi. Kiçik yaşlarından epizodik rollarla kifayətlənsə də, həyat ona bacarığı qədər böyük qapılar açmağı hədəfləyirdi.

Lütfəli Abdullayev Dövlət Musiqili Komedia teatrı, Milli Dram teatrı, Dövlət Filarmoniyası kimi bir çox sənətin ocağı olan yerlərdə çalışmışdı. İllərlə yorulmadan çalışan aktyor, teatr tarixinin ən dəyərli simaları ilə eyni səhnədə rol alıb. İlk tanınmış rolu “Arşın mal alan operetdasında” Vəli rolu olub. Daha sonra “Bəşir Səfəroğlu”, Böyük ömrün anları” , “Əhməd haradadır?” , “Qəribə əhvalat”, “O olmasın, bu olsun”, “Ulduz” və daha neçə dəyərli filmlərdə yaddaqalan rollar alıb.

Milli teatrımız, səhnə sənətimiz Lütfəli Abdullayev kimi gülüş ustası ilə təəssüf ki, bir daha qarşılaşmayacaq. Onu əvəz edə biləcək tək şey sənətsevərlərə saxladığı video yazılardır.

Sənətin adamı Lütfəli Abdullayev kimi sənətkarlar bir gün düyil, hər gün anılmalıdır.(a24)